Аввалин навиштаҷот дар бораи мурчи сиёҳ дар манускриптхои соли 900-уми то мелоди омадааст. Зодгоҳи мурчи сиёҳ чазираи Малабари уқёнуси Ҳинд буда, худи номи ҷазира ҳамчун «замини мурч» тарҷума мешавад. Мурчи сиёҳ таърихи одамиятро то ба қадре дигаргун кардааст. Дар асрҳои Миёна мурчи сиёҳ пулро иваз мекард ва бо воситаи он ҳаки андозро месупориданд.
Имрўзҳо ширкатҳои номдор «Санта Мария, Катания, Аппетита, Трапеза, Магия Востока» мурчи сиёхро коркард намуда, ба фурўш гузоштаанд. Хангоми ба таъом ҳамроҳ намудани мурчи сиёҳ, таъом таъми хушро мегирад. Хусусан дар фасли зимистон истеъмоли мурчи сиёҳ ба организми инсон фоидаовар аст, зеро он дорои витамини С буда, гармии баданро нигоҳ медорад.
Чӣ тарз мурчи сиёҳро интихоб намоем?
— Дар хотир доред, ки сифати мурчи сиёҳро аз рўи рангаш муайян кардан мумкин аст.
— Мурчи сиёҳи хушбуй бояд ранги баланди кабудчатоб дошта бошад. Донаҳои мурч бояд ҳаҷми якхела дошта бошанд.
— Донаҳоро ба дастатон гирифта бинед. Агар онҳо мулоим бошанд, аз харидори даст кашед, чунки мурчи сиёҳи босифат дорои донаҳои сахт мебошад.
— Агар шумо мурчи сиёҳи куфташударо харидори кардани бошед, пас дар хотир доред, ки он набояд дорои бўйи тез бошад.
Пас аз харидори намудан, мурчро бояд дуруст нигоҳ дошт. Мувофиқи талабот мурчро дар зарфи дахонаш зич нигоҳ доштан лозим аст. Мўҳлати нигоҳдории мурч аз 9 моҳ иборат аст.
Акнун маслиҳатҳо дар бораи хусусиятҳои табобатии мурчи сиёҳ.
- Агар шумо дарди гулў дошта бошед, пас ба 1 истакон асал 1 кошуқи калон мурчи сиёҳи куфташударо ҳамроҳ карда, онро 1 кошуқчагӣ дар 1 рўз 3 маротиба истифода баред. Табобатро дар муддати 3 рўз давом диҳед. Мурчи сиёҳ бар зидди бактерияҳо муқобил баромада, ба шамолхўрӣ ва табларза даво мебахшад. Асал бошад манбаи бойи витаминҳо, микроэлементҳо ва аминакислотаҳо мебошад.
- Хоҳед, ки мўйи саратон нарезад, миқдори якхелаи намак, оби пиёз ва мурчи сиёҳро ба ҳам омехта, ба саратон хафтае як маротиба молед. Аз сабаби беҳтар шудани гардиши хун, решаи мўй боқувват шуда, рехтани он қатъ мегардад.
Нет комментариев