Муроҷиатномаи ҷавонони вилояти Суғд ба мардуми шарифи Тоҷикистон

0
719 просмотров

Имрӯз, 16 декабр дар хиёбони Исмоили Сомонии маркази вилоят – шаҳри Хуҷанд беш аз 15 000 нафар ҷавонони вилояти Суғд бо баргузории раҳпаймоие ҷонибдории худро ҷиҳати Асосгузори сулҳу ваҳдати миллӣ — Пешвои миллат шинохта шудани Ҷаноби Олӣ, мӯҳтарам Эмомалӣ Раҳмон баён намуда, дар анҷоми раҳпаймоӣ муроҷиатнома қабул намуданд, ки ҳоло пешкаши хонандагон гардонида мешавад:

Муроҷиатномаи

ҷавонони вилояти Суғд ба  мардуми шарифи Тоҷикистон

Ҷавонони саодатманд, ҳамдиёрони азиз!

Фараҳи рӯзи фархунда ва фаромӯшнопазири миллат –қабул гардидани санади саодати халқ — Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ – Пешвои миллат»-ро, ки аз ҷониби вакилони Маҷлиси намояндагони Маҷлиси Олии Ҷумҳурии Тоҷикитон якдилона ҷонибдорӣ гардид ва мувофиқи он Президенти Ҷумҳурии Тоҷикистон Ҷаноби Олӣ, муҳтарам Эмомалӣ Раҳмон расман ба сифати Пешвои миллат эътироф гардиданд ба кулли мардуми шарафманд ва тамаддунофари тоҷик таҳният гуфта, барояшон сарбаландӣ, саодатмандӣ ва комгориҳои беназирро таманно менамоем.

Дар ҳақиқат, мо ҷавонон бо Пешвои миллат ва воқеан Асосгузори сулҳу ваҳдати миллӣ – Ҷаноби Олӣ, муҳтарам Эмомалӣ Раҳмон ифтихор дорем, зеро ин марди дар кӯрраи оташи зиндагӣ обутобёфта, ҳанӯз дар овони ҷавонӣ ҳамчун фарзанди ҷоннисор ва фарзонаи миллат зимоми давлатдориро ба даст гирифта, халқро аз парешонӣ, кишварро аз фаношавӣ ва миллатро аз нобудӣ раҳо бахшиданд. Тоҷикистони азизро аз як кишвари ҷангзада ба кишвари мутараққӣ табдил додаву мавқеъ ва нуфузи онро дар арсаи ҷаҳонӣ муаррифӣ намуданд.  Боиси ифтихор ва шукргузорист, ки бо ҳидоят ва роҳнамоиҳои падаронаи Пешвои миллат муҳтарам Эмомалӣ Раҳмон дар замони соҳибистиқлолии мамлакат дар самти дастгирии давлатии ҷавонон тадбирҳои судманд ва муфид рӯи кор омадаву ба ин қишри ояндасози миллат таваҷҷуҳи беназир зоҳир мегардад.

Javonon

Мо ҷавонони саодатманди Ватан имрӯзҳо аз фазои сулҳу суботи Тоҷикистони азиз, ки маҳз бо талошҳои пайгиронаи фарзанди фарзонаи миллат, Асосгузори сулҳу ваҳдати миллӣ – Пешвои миллат ба даст омадааст аз қабули Қонуни Ҷумҳурии Тоҷикистон “Дар бораи Асосгузори сулҳу ваҳдати миллӣ – Пешвои миллат” хушнуд буда, онро  ҳамаҷониба дастгирӣ намуда, дар атрофи ғояҳои ояндасози Пешвои сулҳу ваҳдат, Ҷаноби Олӣ, муҳтарам Эмомалӣ Раҳмон муттаҳид гардида, намегузорем, ки ҳеҷ як қуввае фазои ороми Ватани маҳбуби моро халалдор созад. Аз ин рӯ бо ифтихор дар назди Ватану миллат ва Пешвои ҷонисори миллат ваъда медиҳем, ки “МО ҶАВОНОНИ ВАТАН СОЗАНДАЕМ”!

Бо ин нигошта аз тамоми мардуми шарифи Тоҷикистон  даъват ба амал меорем, ки биёед дар атрофи Асосгузори сулҳу ваҳдати миллӣ – Пешвои миллат, Ҷаноби Олӣ, муҳтарам Эмомалӣ Раҳмон муттаҳид шуда, ҷашни фархунда ва ҳумоюнии миллат 25-солагии Истиқлолияти давлатии ҷумҳурии азизамонро, ҳамчун ормони халқи сулҳпарвари тоҷик бо дастовардҳои назаррас истиқбол гирем!

Бо эҳтиром, ҷавонони
саодатманди вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: