Муроҷиатномаи МИҲД-и шаҳри Хуҷанд ба шаҳрвандон!

0
2 215 просмотров

Муроҷиатномаи Мақомоти Иҷроияи Ҳокимияти Давлатии  шаҳри Хуҷанд ба шаҳрвандон! Шаҳрвандони мӯҳтарам! Тавре, ки Шумо иттилоъ доред, бар асари шамоли сахти шаби 26 ба 27 декабри соли равон дар шаҳри Хуҷанд ва атрофи он тибқи маълумоти пешакӣ 4 истгоҳи барқӣ, 40 сутуни барқ, зиёда аз 100 дарахт, боми як чанд манзилҳои баландошёна, иншооти обрасон, ноқилҳои барқӣ, беморхонаву мактабҳо, кӯдакистонҳо ва дигар иншооти ҳаётан муҳим хароб шуда, аҳолӣ бе нирӯи барқ ва қисме бидуни оби нӯшокӣ монданд.

Хушбахтона талафоти ҷонӣ нест. Роҳбарияти Мақомоти иҷроияи ҳокимияти давлатии Хуҷанд аз соатҳои ба амал омадани офати табиӣ чораҳои таъҷилӣ андешида, ситод ташкил кард ва масъулин ба кӯчаҳои асосии шаҳр вобаста карда шуданд. Субҳи 27 декабр тамоми сохторҳои коммуналӣ ва сохтмонии шаҳр барои барқарор намудани иншооти харобгардида ҷалб карда шуданд ва то нисфирӯзӣ қисме аз он барқарор гардиданд.Бояд гуфт, ки аксари офатҳои табииро пешгӯӣ кардан ғайриимкон аст ва офати табии рухдода 30-40 соли охир дар шаҳри Хуҷанд ба амал наомада буд. Мақомоти иҷроияи ҳокимияти давлатии шаҳри Хуҷанд   дар ҳамкорӣ бо мақомоти дахлдори соҳа барои барқарор намудани иншооти бар асари офати табиӣ зарардида, нақша чорабиниҳо таҳия намуда чораҳои мушаххас андешида истодааст. Мутасаддиёни соҳа, раисони кумитаи маҳаллаҳо ва бо ҷалби шаҳрвандон зарари расида муайян шуда истодааст. Дар робита ба ин, Мақомоти иҷроияи ҳокимияти давлатии шаҳри Хуҷанд аз сокинони шаҳр эҳтиромона даъват ба амал меорад, ки маданияти баланди шаҳрдориро риоя намуда, ба ҳаргуна овозаву дасиса ва гуфтаҳои беасос дода нашаванд ва сабуриро пеша карда, дар бартараф намудани офати табиӣ ҳамдасти Мақомоти иҷроияи ҳокимияти давлатии шаҳри Хуҷанд бошанд.

 

Манбаъ: сомонаи расмии МИҲД-и шаҳри Хуҷанд

Нет комментариев

Также рекомендуем

Бизнес прямо из дома как новый тренд

В последние 5 лет в США стал устоявшимся термин «Homepreneur». Им принято обозначать предпринимателей, ведущих свой бизнес прямо из дома. Это люди, которые открыли свое ...