Мусобиқаи Ҷоми КФО-ро «Истиқлол» бо ғалаба оғоз кард

0
709 просмотров

Дастаи футболи «Истиқлол» мусобиқаи даври гурӯҳии Ҷоми Конфедератсияи футболи Осиё (КФО)-2018-ро бо ғалаба бар дастаи «Аҳал»-и Туркманистон оғоз кард.

Бино ба иттилои сомонаи расмии Федератсияи футболи Тоҷикистон, вохӯрӣ рӯзи 7 март дар Варзишгоҳи марказии Ҳисор доир гардида, бо ҳисоби 1 бар 0 ба фоидаи соҳибони майдон анҷом ёфт.

Дар ин бозӣ 11 ҳазор нафар мухлисон ҳузур доштанд. Голи ягона дар дақиқаи 25-ум вориди дарвозаи меҳмонон шуд. Баъди партофти Нозим Бобоҷонов легионери беларусии «Истиқлол» Николай Зенко ба дарвозаи ҳариф зарба зада, дарвозабони «Аҳал» тӯбро баргардонид, вале он ба пойи ҳимоятгари дастаи «Аҳал» бархӯрда, вориди дарвоза шуд.

Дар бозии дигари гурӯҳи «D» дастаи «Олтин Асир»-и Туркманистон дар меҳмонӣ бар дастаи «Олой»-и Қирғизистон бо ҳисоби 6 бар 3 пирӯзӣ ба даст овард.

Бозиҳои давраи дуюми Ҷоми КФО-2018 дар гурӯҳи «D» санаҳои 13 ва 14-уми март баргузор мешаванд. «Истиқлол» санаи 14 март дар Балканобод бо тими «Олтин Асир»-и Туркманистон бозӣ карда, як рӯз пеш, 13 март «Аҳал» дар Ашқобол «Олой»-и Қирғизистонро қабул мекунад.

Манбаъ: Сомонаи расмии Агентии иттилоотии «Азия плюс»

Нет комментариев

Также рекомендуем

Ҳамкории ду кишвари ҳамҷавор матраҳ гардид

Дурнамо ва рушди ҳамкории гуногунсоҳаи Тоҷикистону Қирғизистон  дар Душанбе зимни мулоқоти вазирони корҳои хориҷии Тоҷикистон Сироҷиддин Аслов ва Қирғизистон Эрлан Абдилдаев баррасӣ гардид. Дар мулоқот ...