Мусобиқаи футболи толорӣ бахшида ба иди Наврӯз

0
534 просмотров

Аз 23 феврал то 18 марти соли ҷорӣ  дар толори варзишии  Маркази солимгардонии наврасон ва ҷавонони “Шоҳин” – и шаҳри Қайроққум  мусобиқаи футболи толорӣ байни дастаҳои ташкилотҳои низоми бонкии вилояти Суғд  баргузор мешавад.

Чуноне аз кумитаи тадорукоти ин мусобиқа иттилоъ доданд,   ин сабқат бо ширкати  14 даста ҷараён мегирад  ва  ба ҷашни байналмиллалии “Наврӯз” бахшида шудааст.  Ин манбаъ мегуяд, ки  мусобиқаи мазкур бо ташаббуси Шуъбаи минтақавии Бонки миллии Тоҷикистон дар шаҳри  Хуҷанд, бахшҳои Бонки давлатии амонатгузории  Ҷумҳурии Тоҷикистон “Амонатбонк” ва Ҷамъияти саҳомии кушодаи “Агроинвестбонк” дар вилояти Суғд  таҳти шиори “Барои футболи ростин, зебо ва боадолат”  гузаронида мешавад.

Тибқи  қуръакашӣ, 14 дастаи иштирокчии мусобиқа ба ду гуруҳ тақсим шудаанд.  Аз ҳар кадоме аз ин гуруҳҳо 4 дастаӣ ба бозиҳои ¼ ниҳоӣ роҳҳат мегиранд  ва мусобиқаро идома медиҳанд.

Бозии финалӣ рӯзи 18 март баргузор мешавад ва ба ғолибон Ҷоми мусобиқа ва инчунин мукофотҳои пулӣ супорида мешаванд. Ҳамчунин пешбинӣ шудааст, ки барои бозингарони беҳтарин ва дастаҳо 13 мукофоти ҳавасмандкуӣ тақдим карда шавад.

Дар ин бора sugd.tj хабар медиҳад.

Нет комментариев

Также рекомендуем