Мусофирони ҳавопаймо дар картаҳои Google аз пайи бори худ назорат бурда метавонанд

0
177 просмотров

Парвоз тариқи ҳавопаймо воситаи қулай барои сайёҳати дуру дароз мебошад ва афзалияти бисёр дорад. Вале баъзан  дар  мусофирон вобаста бо борҳояшон  мушкилотҳо ба миён меояд. Ҷомадонҳо дар роҳ боз дошта мешаванд ва ё тамоман ба макони лозима омада намерасанд. Яъне борҳо эҳтимоли дар ҷое гум шудан доранд, ки боиси асабонияти мусофирон шуда метавонад.

Акнун тавассути Google-картаҳо аз пайи борҳо назорат бурдан мумкин аст

Хуллас, технологияҳои муосир имкон медиҳанд, ки аз ҳолатҳои асабишавӣ дар роҳ эмин бошем. Ширкати ҳавопаймоии Delta Airlines тафсири нави замимаи мобилии худро баровард, ки он имкон медиҳад то амиқу дақиқ маҳз дар куҷо қарор доштани бор мо бохабар бошем ва донем, ки бо он ягон чиз рӯй додааст ё не. Дар дохили хар як сумкае, ки барои мӯҳрзанӣ супорида мешавад, аломати мавҷи радиоӣ (RFID) часпонида мешавад. Ин технологияро ширкат аз баҳори меомада дар амал ҷорӣ карданист. Мувофиқи тасдиқоти Delta Airlines системаи наве, ки ба ҷои усули муқаррарии сканеркунӣ тавассути штрих-кодҳо омадааст, имкон медиҳад, ки ҳангоми интихоби дурусти ҷойи пешбинишуда то 99,9 % маълумоти дақиқро дар бораи макони ҷойгирии бори мусофирон диҳад.

Дар борҷомаҳои чархболчадор якчоя датчикҳои чароғакдорро насб намуданд ва ҳангоми ҳаракати борҳо дар самти нодуруст то ислоҳ карда шудани ҳолат аз ҷониби шахсони масъул система аз кор боз мемонад. Ба ғайр аз ин, барои мусофирони ҳавопаймо замимаи мобилӣ пешниҳод карда мешавад, ки барои бохабар будан аз тағйирёбии шарту шароити парвоз имкон медиҳад ва инчунин дар бораи ҳолати борҳо маълумот дода меистад.  Тафсири пешинаи замима ба  истифодабаранда дар шакли матни хаттӣ маълумот пешниҳод мекард. Бо баромадани тафсири нави замимаи Fly Delta 4.0 мусофирон натанҳо дар бораи мавқеи ҷойгирии борашон бохабар мешаванд, балки ҳатто бори худро дар Google-картаҳо дида низ метавонанд.

Айни замон технологияи мазкур аллакай  дар 84 фурӯдгоҳи ИМА ба кор дароварда шудааст.

Сарчашма: news.delta.com

Нет комментариев

Также рекомендуем