Ширкати бритонёии истеҳсоли техникаи маишии Dyson фени беҳамтои Supersonic-ро аз истеҳсол баровард. Сохтори таҷҳизоти муйхушккунӣ аз 600 намуна интихоб карда шуда, ба кашфиёти он 4 сол лозим омадааст ва барои дар амал тадбиқгардонии фен наздики 50 миллион фунт маблағ сарф карда шудааст.
Хусусияти хоси фен дар чист?
Мўйхушккунаки намуди нав аввалан бо намуди зоҳирии худ фарқ мекунад. Аз сабаби дар он мавҷуд набудани бодбарораки белчашакл дар қисмати дохилии фени нави Supersonic аз ширкати Dyson танҳо андаке ба мўйхушккунакҳои муқаррарӣ монандасту халос.
Дуюм ин ки дар он функтсияҳои аҷиб мавҷуд аст. Масалан, ин таҷхизоти барқӣ ҳарорати ҳавои додашавандаро танзим менамояд ва давоми ҳар як сония 20 маротиба ҳарорати ҳаворо ҳисоб мекунад, то ки мўйи сарро аз таъсири бади ҳавои ниҳоят гарм фен нигоҳ дорад.
Ба ғайр аз ин, ихтироъгарон қарор доданд, ки проблемаи овози баланди мўйхушккунакро аз байн бардоранд. Албатта ҳангоми кор кардан овози фен тамоман нест нашуда бошад ҳам, вале он нисбатан паст карда шуд ва ин чиз имкон медиҳад, ки ҳангоми имтифода бурдан аз таҷҳизоти барқии мўйхушккунак бе мамоният бо нафаре сўҳбат кардан мумкин аст.
Таҷдидсозии тарзи нав.
Ширкати Dyson нигоҳу назари худро ба дастгоҳи маишии муқаррарӣ тағйир дод. Муҳаррики асосиро бо 9 силиндр аз қисми марказии дастгоҳ гирифта, дар қисмати дастаки фен ҷойгир намуд, ки он мўйхушккунакро нисбатан ихчам кард ва имкон дод, ки вазни фен дар дастаки он бо дигар қисмҳои мўйхушккунак баробар шавад. Дар як дақиқа муҳаррики фен 110 ҳазор маротиба давр мезанад. Фени муқаррарӣ бошад, дар давоми як дақиқа ҳамагӣ наздики 20 ҳазор маротиба давр мезанаду халос.
«Ман худ ҳоло ин фени навро дар кор наозмудаам, вале чӣ хеле, ки онро истеҳсолгарон муаррифӣ менамоянд, рости гап каме аҷиб аст. Аз ин рў гуфтан мумкин аст, ки инсоният то имрўз бо истифода аз «фени муқаррарӣ» дар азоб будааст. Ин гуна навоварӣ он қадар инқилоби бузург дар пешрафти техника набошад ҳам, вале барои ин кашфиёт месазад, ки ба ширкати Dyson сипосгузор бошем. Чанд сол пеш бо баробари пешниҳод кардани технологияи Air Multiplier-и бодбарораки белчашакл, ширкат онро пурра коркард намуда истодааст. Аввал онро ба вентилятори гармидиҳандаи мўйхушккунак, баъд ба хунукидиҳанда ва ҳоло бошад, онро ба фен табдил додааст. Ба ширкат муваффақият хоҳонам, то ки ҳамеша дар пешравӣ бошад ва маҳсулоти истеҳсолии худро дар фурўш хуб ба роҳ монда тавонад» — роҳбари самти «Техникаи маишӣ» — ии лоиҳаи Hi-Tech Mail.Ru Даниил Головин.
Нархи ин гуна мўйхушккунаки беовоз арзон нест. Арзиши фен 400 доллари Иёлоти Муттаҳидаи Амрико мебошад. Мўйхушккунак аз ҷузъиёти иловагии махсус иборат мебошад, ки ба танаи асосии фен тавассути оҳанрабои бақувват насб карда мешавад.
LLC «UProximo»
Хочешь приобрести автомобиль из Америки, но не знаешь как это делать? Не проблема, в этом тебе поможет компания uProximo! Ты выбираешь понравившийся автомобиль из самых ...
Нет комментариев