Нақшаи даъвати баҳоронаи ҷавонон 85 фоиз иҷро шуд

0
743 просмотров

Нақшаи даъвати баҳоронаи ҷавонон ба сафи Қувваҳои Мусаллаҳи Ҷумҳурии Тоҷикистон дар вилояти Суғд то ба санаи 10-уми май 85 фоиз иҷро шуд.

То ба санаи зикршуда шаҳру ноҳияҳои Айнӣ, Бӯстон, Гулистон, Зафаробод, Куҳистони Мастчоҳ, Мастчоҳ, Спитамен ва Шаҳристон нақшаи муқарраршударо пурра иҷро намудаанд ва дар шаҳру ноҳияҳои боқимонда гусели даъватшавандагон ба хизмати ҳарбӣ ҷараён дорад.

Бояд гуфт, ки Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1991-2000 Ҷумҳурии Тоҷикистон ба хизмати ҳарбӣ» аз 12 марти соли 2018, №1036 ва дар асоси он қарори марбутаи Раиси вилоят ба тасвиб расида буд. Дар асоси Фармони мутазаккираи Президенти Ҷумҳурии Тоҷикистон моҳҳои апрел-майи соли 2018 шаҳрвандоне, ки то рӯзи даъват ба синни 18 мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Эъломия умри беш аз 2,5 ҳазорсола дорад

Бовар намекунед, пас таваҷҷӯҳ фармоед! Яке аз сарчашмаҳои таърихӣ оид ба ҳуқуқи инсон ин Эъломияи ҳуқуқи башари Куруши Кабир аст. Эъломияи мазкур соли 539-уми пеш ...