Нахустин нокомии Зидан

0
621 просмотров

Дар бозии марказии даври 30-юми Ла Лига дастаи “Валенсия” дар майдони худ “Реал Мадрид”-ро пазируфта бо ҳисоби 2-1 ғалаба кард. Дар дақиқаи 35-уми рақобат Гонсалу Гуедеш ҳамдастаҳояшро ба пеш баровард. Баъд аз ин шогирдони Марселино Торал паси ҳам дар аксулҳуҷумҳо барои рахна кардани дарвозаи Кейлор Навас фурстаҳо доштанд, аммо ҳеҷ яке аз онро ба гол табдил дода натавонистанд. Голи дуюми худро футболбозони “Валенсия” дар дақиқаи 83-юм ба самар расониданд. Эсекел Гарай пас аз партофти Даниел Парехо тӯбро ба дарвозаи меҳмонон ворид кард. Меҳмонон майдонро бе гол тарк накраданд. Дар дақиқаи сеюми иловагӣ Карим Бензема голи дастаи худро ба ҳадаф расонида фарқиятро дар ҳисоб коҳиш дод. Вале барои наҷоти бозӣ дигар вақт ва имконият ба бошгоҳи “шоҳона” боқӣ намонд. Ин бори аввал буд, ки “Реал Мадрид” пас аз баргаштани Зинидин Зидан дучори бохт шуд. Дар ду бозии қаблӣ шогирдони ӯ “Селта” ва “Уэска”-ро шикаст дода буданд.

Чемпионати Испания. Даври 30-юм

«Валенсия» — «Реал» — 2:1 (1:0)

Голҳо: Гонсалу Гедеш, 35 (1:0). Гарай, 83 (2:0). Бензема, 90+3 (2:1).

«Валенсия»: Нету, Васс, Гарай, Диакаби, Хосе Гайя, Солер (Торрес, 80), Парехо, Кондогбя, Гонсалу Гедеш (Черишев, 73), Родриго, Гамейро (Мина, 85).

«Реал»: Навас, Одриосола, Варан, Серхио Рамос, Марселу, Модрич, Каземиру, Кроос (Иско, 64), Васкес (Диас, 78), Бензема, Асенсио (Бэйл, 64).

Манбаъ: varzishtv.tj/

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: