Нахустнамоиши филми нави “Суғдсинамо” — “Тангно”

0
682 просмотров

Нахустнамоиши филми ҷадиди «Муассисаи давлатии Суғдсинамо ба номи Комил Ёрматов» бо номи «Тангно» моҳи сентябри соли равон баргузор мешавад.

Нахустнамоиши ин филм санаи 4-уми сентябр дар пойтахти кишвар шаҳри Душанбе баргузор хоҳад шуд. Бино ба иттилои продюссери филм Дилошӯб Орифзода филми «Тангно» санаҳои 4-ум ва 5-уми сентябр дар Филармонияи давлатии Тоҷикистон намоиш дода мешавад.

Сипас, аз санаи 11 то 18- уми сентябр филми «Тангно» дар Кохи Рӯдакии шаҳри Хуҷанд, аз 12-уми сентябр то 13-уми октябр дар шаҳри Конибодом ва аз 14-ум то 30-юми сентябр дар Қасри фарҳанги шаҳри Панҷакент пешкаши ҳаводорони синамои миллӣ хоҳад шуд.

Филм аз рӯи асари «Тангнои гетӣ» -и нависандаи маъруфи тоҷик Сорбон ва дар коргардонии Муҳиддини Музаффар таҳия ва пешниҳод шудааст. Ин филм дар деҳаи Амондараи шаҳри Панҷакент дар давоми 96 рӯз сабт гардидааст.

Филм муамоҳои иҷтимоии ҷомеаи муосирро инъикос намуда, аз мушкилот ва пайомадҳои муҳоҷирати меҳнатӣ қисса мекунад ванақши марказии филмро Муҳаммадшариф Раҳматуллоев офаридаааст.

Нақшҳои асосиро Раҷабгул Қосимова, Аҳлиддин Шарифов, Бунёд Комилов ва Сурайё Ҳакимова бозидаанд.Гуфтанист, ки дар филми «Тангно» симоҳои нав хеле зиёд муаррифӣ шудаанд, ки тариқи кастинг ба синамо роҳ ёфтанд.Беш аз 10 нафар кӯдаки синни аз 4 сола то 13 сола низ дар ин филм нақш бозидаанд.

Ҷоиз ба таъкид аст, ки «Суғдсинамо» аз 1-уми марти соли 2015 ба фаъолият оғоз карда, ҳайати эҷодии ин киностудия то имрӯз се филми ҳунарӣ — «Коса», «12 соли интизорӣ», «Тангно», инчунин филми хуҷҷатии «Духтари Сайҳун»-ро ба навор гирифтааст.

Манбаъ: Сомонаи Сугд ТҶ

Нет комментариев

Также рекомендуем

Энциклопедия таджикского спорта от Фаридуна Асоева

Чтобы объединить таджиков, которые увлекаются спортом и следят за достижениями своих соотечественников, Фаридун Асоев создал в соцсетях специальный паблик. В социальных сетях существует несколько русскоязычных групп, ...