Намоиши филмҳои кишварҳои узви гурӯҳи «Вишеград» ва Ҷумҳурии Латвия

37

Аз санаи 3 то 5 июни соли равон дар Кохи Рӯдакии маркази вилоят намоиши филмҳои кишварҳои узви гурӯҳи «Вишеград» ва Ҷумҳурии Латвия баргузор шуд. Дар қисмати ифтитоҳии намоиши филмҳои кишварҳои аврупоӣ муовини Раиси вилояти Суғд Назира Ғаффорӣ аз номи Раиси вилоят Абдураҳмон Қодирӣ ҳайати меҳмонон-сафирони кишварҳои Лаҳистон, Маҷористон, Словакия, Чехияро ба Суғди бостонӣ хайрамақдам гуфта, афзуд, ки бо шарофати сиёсати дарҳои боз ҳамкориҳои Тоҷикистон бо давлатҳои дуру наздик самараи дилхоҳ ба бор оварда истодааст. Таъкид гардид, ки баргузории чунин чорабиниҳои фарҳангӣ барои густариши ҳамкориҳо мусоидат менамояд. Сафири Лаҳистон дар Тоҷикистон Пётр Ивашкевич зимни сӯҳбат аз истиқболи гарму қсамимӣ изҳори хушнудӣ намуд ва изҳор дошт, ки ба узвияти чоргонаи «Вишеград» чор давлати марказии Аврупо ҷумҳуриҳои Чехия, Маҷористон, Словакия ва Лаҳистон шомил буда, ин иттиҳод соли 1991 дар шаҳри Вишеград созмон ёфтааст. Қаблан ин иттиҳод ҳамчун сегонаи Вишеград амал карда, баъди аз ҳам ҷудо шудани ҷумхуришои Чехия ва Словакия он номи «Чоргонаи Вишеград»-ро гирифтааст ва ҳоло Ҷумҳурии Латвия низ бо ин иттиҳод ҳамкориҳои худро ба роҳ мондааст.

 Манбаъ: www.sugd.tj

НЕТ КОММЕНТАРИЕВ

ОСТАВЬТЕ ОТВЕТ