Нанотехнологҳои беҳтарини тоҷик муайян шуданд

0
507 просмотров

Гурӯҳи хонандагони тоҷик, ки дар Олимпиадаи байналмилалӣ оид ба технологияи муосир (нанотехнология) дар шаҳри Москва баргузор гардида буд, ба Ватан баргаштанд.

Тавре ки аз литсей-интернати Тоҷикистону Россия «Ҳотам ва ПВ» хабар доданд, дар ҳайати гурӯҳи мазкур хонандагони синфи 9 Далер Пиров ва Темур Саломатшоев, хонандаи синфи 10 Фараҳманд Ҳасанов шомил буданд.
Олимпиада аз 25 то 31-уми марти соли равон дар Донишгоҳи давлатии шаҳри Москва ба номи М.В.Ломоносов баргузор гардид. Дар он 9 ҳазору 453 нафар хонандагон, донишҷӯён, аспирантон ва донишмандони ҷавон аз 28 кишвари дунё дар марҳилаҳои гуногун ширкат намуданд.
Тибқи талаботи озмун, дар олимпиада 5-6 нафаре, ки холҳои аз ҳама бештарро аз рӯи фанҳои математика, физика, химия ва биология бо назардошти самти нанотехнологӣ соҳиб шуданд, ғолиб дониста мешаванд.

Дар ин гурӯҳ Далер Пиров дар миёни ҳамсолони худ яке аз нафарони фаъол ва аз беҳтарин нанотехнологҳо шинохта шуда, ғолиби озмун гардида, бо дипломи дараҷаи якум ва туҳфаҳои хотиравӣ қадрдонӣ шуд.

Темур ва Фараҳманд барои иштироки фаъолона бо диплом ва туҳфаҳо қадрдонӣ гардиданд. Олимпиадаи мазкур яке аз олимпиадаҳои сатҳи мураккаб ба шумор меравад ва ғолибони он метавонанд бе супоридани имтиҳонҳои дохилшавӣ донишҷӯи дилхоҳ донишгоҳ шуда, гирандаи гранти Президенти Федератсияи Россия гарданд.

Манбаъ: Сомонаи расмии Тоҷикистонтаймс

Нет комментариев

Также рекомендуем

Уход за холодильником

Приятно когда кухонные помощники служат долго и  безотказно. Чтобы их работа была безупречной, их надо любить и регулярно заботится о них. Сегодня я расскажу хозяюшкам ...