Натиҷаи қуръакашии марҳилаи ниҳоии Ҷоми ФФТ

0
507 просмотров

Дар марҳилаи ниҳоии Ҷоми Федератсияи футболи Тоҷикистон, ки рӯзи 8-уми феврал дар шаҳрҳои Душанбе ва Ҳисор шуруъ мешавад, ҳашт даста иштирок мекунад. Бар асоси қуръакашӣ, ки 6-уми феврал дар Душанбе, дар маҷлисгоҳи Федератсияи футболи Тоҷикистон, барпо гардид, дастаҳо ба ду гурӯҳ тақсим шудаанд. Ба гурӯҳи «А» дастаҳои «Локомотив-Помир» (Душанбе), КМВА «Помир» (Душанбе), «Истаравшан» (Истаравшан), «Панҷшер» (Ҷалолиддини Балхӣ) ва ба гурӯҳи «Б» тимҳои «Истиқлол» (Душанбе), «Регар-ТадАЗ» (Турсунзода), «Ашт» (Ашт) ва «Вахш» (Қӯрғонтеппа) дохиланд. Бозиҳои гурӯҳи «А» дар Варзишгоҳи марказии Ҳисор ва гурӯҳи «Б» дар Варзишгоҳи марказии Душанбе баргузор мешаванд. Ба иттилои мақомоти Лигаи футболи Тоҷикистон, ба марҳилаи ниҳоии Ҷоми ФФТ ба ҷойи дастаи “Барқчӣ”-и Ҳисор тими «Локомотив-Помир»-и Душанбе роҳ дода шудааст. Зеро дастаи мунтахаби ҷавонони Тоҷикистон, ки аслан аз ҳисоби бозингарони “Барқчӣ” таркиб ёфтааст, ҷамъомади таълимиву тамриниашро дар Туркия мегузаронад. Тибқи дастури мусобиқот барои Ҷоми ФФТ, аз ҳар гурӯҳ ду дастаи беҳтарин ба нимфинал мебароянд. Баъдан ғолибони бозиҳои ниманиҳоӣ дар финал рақобат мекунанд. Дастаҳои мағлубшуда барои ҷойи сеюм мубориза мебаранд. Бозиҳои ҳалкунандаи Ҷоми ФФТ 16-уми феврал баргузор мешаванд.

 

Манбаъ:сомонаи расмии телевизиони «Варзиш»

 

 

Нет комментариев

Также рекомендуем

Юные таджикистанцы в проекте «Футбол для дружбы»

Юные таджикские тренер и журналист примут участие в новом сезоне Международной детской спортивно-социальной программы «Футбол для дружбы». В Москве состоялась открытая жеребьевка Международной детской спортивно-социальной ...