Нависандаи тоҷик Гулсифат Шаҳидиро дар Лондон муаллифи сол эълон карданд

0
161 просмотров

Маҷмӯаи ҳикояҳои «Афсонаҳои бибии Гулсифат»-и Гулсифат Шаҳидӣ аз беҳтаринҳо эълон гардид.

Дар Лондон маҷмӯаи ҳикояҳои «Афсонаҳои бибии Гулсифат»-и нависандаи тоҷик Гулсифат Шаҳидӣ дар номинатсияи «Беҳтарин муаллиф»-и ҷоизаи Hertfordshire Press 2018 пирӯз шуд.

«Дар Британияи Кабир маросими ҳамасолаи ҷоизасупории адабии Hertfordshire Press 2018 баргузор гардид, ки дар он аз 26 китоби дар соли 2018 интишоршуда, 5-тоаш дар номинатсияҳои гуногун пирӯз шуданд», — хабар медиҳад Сафорати Тоҷикистон дар Британияи Кабир.

Маросим дар китобхонаи бонуфузтарини Англия — British Library баргузор гардидааст. Дар он адибони номии Лондон ва китобхона иштирок доштанд.

Дар ҷоизасупорӣ сафири Тоҷикистон дар Британияи Кабир Масъуд Халифзода ва намояндагони сафоратҳои Қазоқистон ва Озарбойҷон иштирок доштанд.

Маросими ҷоизасупориро узви Ҷамъияти ҳунарҳои шоҳигарӣ Дэвид Перри гузаронида, ҷоизаҳоро ношир ва муовини президенти

Eurasian Creative Guild London Марат Ахмедҷонов супоридааст.

Маҷмӯаи ҳикояҳои «Афсонаҳои бибии Гулсифат»-и Гулсифат Шаҳидӣ дар пайи вокунишҳои мусбии хонандагону муҳаррирон дар бахши «Беҳтарин муаллиф» пирӯз гаштааст.

Гулсифат Шаҳидӣ 1 январи соли 1955 дар оилаи иқтисодчӣ Ғаффор Сатторов ва Масрура Сатторова таваллуд шудааст.

Рӯзноманигор, адабиётшинос, насрнавис мебошад. Хатмкардаи Донишгоҳи давлатии Тоҷикистон ва номзади илмҳои филологӣ аст.

Китобҳояш дар Тоҷикистону Русия мунташир шудаанд.

Манбаъ: Спутник Тоҷикистон

Нет комментариев

Также рекомендуем

Даромади барномасозони мобилӣ чанд аст ?

Намунаҳои дастовардҳои бузург дар мисоли Flappy Bird боиси таҳияи замимаҳои нав мегардад. Дар ҳақиқат ҳам, тавассути замимаи оддӣ дар як шабонарӯз 50 ҳазор доллари амрикоӣ ...
%d такие блоггеры, как:

Сообщить об опечатке

Текст, который будет отправлен нашим редакторам: