«Наврӯзгоҳ” диққати сайёҳону шаҳрвандонро ба худ ҷалб мекунад

0
134 просмотров

Агар шумо ба шаҳри  Хуҷанд бо кӯдаконатон ба сайру гашт бароед, пас шумо бояд ба «Чумчук Арал», ки ҳоло номаш ба “Наврӯзгоҳ” иваз шудааст , ташриф оваред.

“Наврӯзгоҳ” дар назди  Сирдарё  ҷойгир аст. Он мавзеъи басо зебо дошта, диққати сайёҳону шаҳрвандонро ба худ ҷалб мекунад. Масоҳати боғ 20 гектар аст. Он пурра таъмир карда шудааст, аттраксионҳои нав насб карда шудаанд ва  як парки хурди об мавҷуд аст.  Ғайр аз он, шумо метавонед дар аттраксионҳои гуногун давр занед, дар киштиҳои дарёи аз ин соҳил ба он соҳил ҳаракат кунед. Ва албатта, дар аттраксиони “Чархи Гардун” нишаста, аз боло тамоми шаҳри Хуҷандро бинед.

Шумо метавонед барои кӯдаконатон яхмосҳои мевагӣ, пахтақандҳо дигар шириниҳо харида диҳед. Дар ҳудуди “Наврӯзгоҳ”  як қатор қаҳвахонаҳо бо яхмос, шашлик, нӯшокиҳои ташнашикан мавҷуд аст. Дар “Наврӯзгоҳ” ҳамчунин ҳавзи шиноварӣ барои кўдакон ва ҷойҳои истироҳатӣ ҳаст.

Ба Хуҷанд биёед! “Наврӯзгоҳ” Шуморо интизор аст!

Нет комментариев

Также рекомендуем