Наврӯзи ҷаҳонӣ ба маҳаллаи Содирхон Ҳофиз расид

0
385 просмотров

Дар Мактаби таҳсилоти миёнаи умумии рақами 15-уми шаҳри Хуҷанд тантанаҳои наврӯзии маҳаллаи Содирхон Ҳофиз бо иштироки аҳли маҳалла ва муҳассилини дабистони мазкур бо шукӯҳи хоса таҷлил гардид.

Дар деги калон суманак пухта шуда, намунаи ҳунарҳои мардумии маҳалла ба маърази тамошо гузошта шуд. Дар озмуни «Кадбонуи беҳтарин» занони маҳаллаҳо хӯрокҳои пухтаи хешро пешниҳод намуданд.

Хонандагони мактаб бо барномаи рангини хеш табъи ҳозиринро болида сохтанд.

Мудири шӯъбаи кор бо маҳаллаҳои дастгоҳи Раиси шаҳри Хуҷанд Муродҷон Раҷабов табрикоти Раиси шаҳри Хуҷанд Маъруф Муҳаммадзодаро ба муносибати Наврӯзи байналмилалӣ ироа намуда, ташкили чунин чорабиниҳоро баҳри тарғиби  худшиносиву худогоҳии миллӣ муҳим арзёбӣ намуд.

Манбаъ: Дафтари матбуоти Раиси шаҳри Хуҷанд.

Нет комментариев

Также рекомендуем