Расо  20 сол муқаддам соли 1994, аввалин телефоне, ки бо бозӣ таъмин гардида буд, ба фурӯш гузошта шуд

Акс аз: http://www.3dnews.ru/905291

Ин дастгоҳ Hagenuk MT-2000 ном дошт. Дастгоҳ дар Дания коркард ва истеҳсол шуда буд. Форм-фактори моноабрӣ, клавиатураи рақамӣ ва дисплейи якранг (монохромный)-ин буд ҳамаи он чизе,ки телефон ба харидорон пешниҳод менамуд. Hagenuk MT-2000 дар шабакаҳои GSM корбарӣ мекард. Бозие, ки дар телефон насб карда шуда буд, муаммои Tetris ном дошт. Ёдовар мешавем,ки бозии мазкур аз ҷониби барномасози шӯравӣ  Алексей Пажитнов офарида шудааст. Он  даҳ сол пештар аз Hagenuk MT-2000 ихтироъ гардида буд.

Интихоби бозии  “Тетрис”   тасодуфан набуд. Дар навбати аввал, он солҳои 90-ум хеле маъмул буд ва то кунун мавқеи худро гум накардааст. Дуюм, қисмати дастгоҳии телефон, бе ягон душворӣ кори барномаро нигоҳ дошта тавонист.

Акс аз: http://www.3dnews.ru/905291

Ҳамчунин мавриди зикр аст, ки бозиҳо ба телефонҳои мобилӣ, танҳо баъди ду даҳсола, яъне аз лаҳзаи садо додани аввалин занги дастгоҳи мобилӣ ворид карда шуданд. Ҳанӯз соли 1973 муҳандиси Motorola, Мартин Купер аз телефони мобилӣ  ба шӯъбаи конструктории ширкати Bell Laboratories занг зада буд. Маҳз  ҳамон воқеа, ба давраи нави рушди телекоммуникатсия оғоз бахшидааст.

Сарчашма: matrix-tv.tj