Нигоҳи нав ба мӯди ҷавонон

0
179 просмотров

Шанбеи гузашта, 29-уми апрели соли равон дар Муассисаи давлатии “Душанбе–плаза” бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бахшида ба “Соли ҷавонон” миёни тарроҳони ҷавон Фестивали ҷумҳуриявӣ таҳти унвони “Нигоҳи нав ба мӯди ҷавонон” баргузор гардид.

муди чавонон-2

Дар фестивали мазкур роҳбарияти Кумитаи ҷавонон, варзиш ва сайёҳӣ, занону духтарони касбу кори гуногун ва 18 нафар тарроҳони ҷавон аз тамоми минтақаҳои ҷумҳурӣ иштирок намуданд.
Фестивали мазкур бо мақсади талқини ҳисси зебоипарастӣ, тарғибу ташвиқи либоси миллӣ ва дар ин замина тарбияи насли ҷавон дар рӯҳияи нигоҳдошти анъанаву суннатҳои миллӣ доир гардид.

муди чавонон-3

Дар рафти фестивал тарроҳон Зулола Абутурова (ВМКБ), Дилшода Калонова (Истаравшан), Нодира Бобомуродова (Хуҷанд), Мадина Анварова (Хуҷанд), Ганҷинаи Шӯҳрат (Хуҷанд), Нигора Бобоҷонова (Спитамен), Нилуфар Қурбонова (Данғара), Ганҷина Мирзоева (Данғара), Ганҷина Сафаралиева (Қӯрғонтеппа), Гуландом Олимова (Кӯлоб), Ганҷина Исмоилова (Хуросон), Нилуфари Қаландар (Варзоб), Райҳона Багадирова (Турсунзода), Зебо Қиёмиддинова (Душанбе), Мадина Шарипова (Душанбе), Нисо Қаюмова (Душанбе) ва инчунин ду тарроҳи ҷавон аз шаҳри Душанбе коллексияи худро пешкаши ҳозирин гардониданд.

муди чавонон-4

Бояд гуфт, ки Нодира Бобомуродова, Ганҷинаи Шӯҳрат, Нигора Бобоҷонова донишҷӯён ва устодони ҷавони Донишкадаи политехникии Донишгоҳи Техникии Тоҷикистон ба номи академик Муҳаммад Осимии шаҳри Хуҷанд мебошанд, ки дар қатори дӯзандагону тарроҳони беҳтарини кишвар вилояти Суғдро муаррифӣ карданд.

муди чавонон-1

Ба иштирокчиёни фаъоли фестивал аз ҷониби Кумитаи ҷавонон, варзиш ва сайёҳӣ диплом ва дигар тӯҳфаҳои хотиравӣ тақдим карда шуданд.

Дар шаҳри Хуҷанд бошад, мусобиқаи ҷумҳуриявӣ оид ба гӯштини тарзи озод доир гардид.

гӯштини тарзи озод -1

Санаҳои 29 ва 30-юми апрели 2017 дар Қасри варзиши шаҳри Хуҷанд мусобиқаи ҷумҳуриявӣ оид ба гӯштини тарзи озод байни ҷавонони солҳои таваллудашон 1997-2000 баргузор гардид.
Дар мусобиқа зиёда аз 100 нафар варзишгарон аз дастаҳои Суғд, ВМКБ, Хатлон ва шаҳри Душанбе иштирок намуданд.

мусобика

Варзишгарон аз рӯи вазнҳои 50, 55, 60, 66, 74, 84, 96 ва 120 кило байни худ рақобат намуданд ва натиҷаи мусобиқот чунин аст:

Дар вазни 50 кило:

  1. Сино Қодирзода – Хатлон-2
  2. Ҷамшед Қодиров – Суғд-1
  3. Қодир Ахмедов – Хатлон-1

Дар вазни 55 кило:
1. Муҳаммад Наимов – Душанбе-1
2. Зиёдулло Ҳукуматов – Душанбе-2
3. Сомони Маҳмадулло – Хатлон-2
Дар вазни 60 кило:
1. Саидҷон Гулов – Хатлон-2
2. Оятулло Машрабов – Душанбе-3
3. Шерзод Каримов – Суғд-1
Дар вазни 66 кило:
1. Оятулло Судуров – Душанбе-2
2. Муҳсинҷон Мамадҷонов – Душанбе-3
3. Муҳаммадрофеъ Сангов – Хатлон-1
Дар вазни 74 кило:
1. Фазлиддин Шарипов – Душанбе-1
2. Айниддин Саъдуллоев – Душанбе-3
3. Билол Юсупов – Душанбе-3
Дар вазни 84 кило:
1. Салимҷон Ҳалимзода – Душанбе-2
2. Арҷуманд Нафасов – Хатлон-2
3. Мақсад Мансуров – Суғд-3
Дар вазни 96 кило:
1. Раҳмон Маҳмадбеков – Душанбе-2
2. Исмоил Хайруллоев – Душанбе-1
3. Меҳрубон Ҳайдаров – Душанбе-3
Дар вазни 120 кило:
1. Ҳоҷиисмоил Баҳоваддинов – Суғд-1
2. Савмиддин Достаков – Душанбе-1
3. Дилшод Аюбов – Душанбе-3

гӯштини тарзи озод -3

Дар охир ба ғолибон медал ва дигар тӯҳфаҳои хотиаравӣ тақдим карда шуданд.

Нет комментариев

Также рекомендуем

Бананафон ба фурӯш мебарояд!

Барои харидорӣ намудани iPhone 8 ҷамъ кардани маблағро аз ҳозир оғоз намоед. Зеро акнун Шумо Бананафони воқеан амалкунандаро харидорӣ карда метавонед, агар аз лавозимоти “себӣ” ...