Нигоҳубини пошно

0
124 просмотров

Кам нестанд ашхосе, ки аз кафидани пошнаи пойҳо азият мекашанд. Хусусан одамоне, ки бештар пойлуч мегарданд, нисбати қоидаҳои беҳдошт (гигиена)-и пойҳо бепарвоӣ менамуданд, масуният (иммунитет)-ашон паст шудааст, гирифтори бемориҳои бардавом гардидаанд, кафидани пошнаҳо ба одат табдил меёбад. Дар чунин ҳолатҳо ба ҷои кафидаи пошнаҳо инфексия афтида, фасод ба вуҷуд меояду пой ба дард меояд. Агар бинед, ки пошнаҳо сурх шуда, фасод мебароранд, албатта ба духтури бемориҳои пўст (дерматолог) муроҷиат намоед. Агар пошнаҳоятон кайҳо боз кафида бошанд, аммо фасод ба вуҷуд наояд, аз маслиҳати зерин истифода намоед: -пўсти картошкаро дар ўғурак майда карда, 2 қошуқашро дар 1 коса об ним соат ҷўшонед. Пюреи ҳосилшударо ба пошнаҳои кафида монда, бо дока бандед. Табобатро дар давоми ду ҳафта рўздармиён ба ҷо оред; -1 пиёла равғани офтобпарастро тасфонед, пиёзи калонҳаҷмро ҳалқа-ҳалқа реза карда, дар ҳамон равған сўзонед. Пасмондаҳои пиёзи сўхтаро гирифта партоед ва ба равғани ҳарораташ ширгарм 25 г муми занбўри асал (прополис)-ро майда карда илова намоед. Равғанро боз тасфонед ва хуб омехта намоед. Марҳами тайёршударо ба зарфи алоҳида резед. Пеш аз ба пошнаҳо молидани марҳам пойҳои худро болои буғи оби гарм 30 дақиқа нигоҳ доред. Табобатро то сиҳат шудани пошнаҳо идома бахшед; -ҷурғот (простокваша)-и туршшуда ва ё сметанаро пеш аз хоб ба пошнаҳо ғафс компресс намоед. Марҳамро то субҳ нигоҳ доред. Муолиҷаро 8 рўз ба ҷо оред; пошнаҳоро дар буғи оби ҷўшидагӣ 10 дақиқа нигоҳ доред, пасон бо сачоқ пок намоед. Барги карамро то баромадани шарбаташ майда намоед. Онро ба дока монда, ба пошнаҳо мустаҳкам бандед, докаро субҳи рўзи дигар кушоед.

Муддати табобат -14 рўз.

 

Нет комментариев

Также рекомендуем

Ҳалокати 6 миллион нафар аз тамокукашӣ!

Бо ташаббуси Ташкилоти умумиҷаҳонии тандурустӣ (ТУТ) ҳамасола дар ҷаҳон 31-уми май ҳамчун Рӯзи байналмилалии мубориза бо тамокукашӣ таҷлил мегардад. Ҳамасола дар ҷаҳон тамоку қариб 6 ...