Нобудсозии дорувориҳои кӯҳнашуда

1
494 просмотров

доруДар 10 моҳ 21170 кг маводҳои доруворӣ ва молҳои тиббии мўҳлати истифодабариаш гузашта, қалбакӣ ва бе сертификати мутобиқати сифат несту нобуд карда шуданд. Дар ин бора аз Раёсати вилоятии Хадамоти назорати давлатии фаъолияти фарматсевтӣ хабар доданд. Ба иттилои масъулин аз муассисаҳои фарматсевтии таҳти назорат қароргирифта 24 номгўй ба миқдори 82725 адад маводи дорувории ба таври қочоқ воридшуда, 327 номгўй ба миқдори 4703 адад маводҳои дорувории мўҳлати истифодабариашон гузашта ва 350 номгўй ба миқдори 54860 адад маводҳои дорувории бе сертификати мутобиқати сифат ва ҳамчунин аз муассисаҳои табобатии профилактикӣ 147 номгўй ба миқдори 19601 адад маводҳои дорувории мўҳлати истифодабариашон гузашта ва 341 номгўй ба миқдори 4823 адад маводҳои дорувории бе сертификати мутобиқати сифат дарёфт гардид. Дар асоси камбудиҳои ошкоргардида нисбат ба 79 нафар мутасаддиён протоколҳои ҳуқуқвайронкунии маъмурӣ тартиб дода шуда, тибқи моддаи 121-и Кодекси ҳуқуқвайронкунии маъмурии Ҷумҳурии Тоҷикистон, барои риоя накардани қоидаҳои муомилот бо доруворӣ ба маблағи умумии 179600 сомонӣ ҷаримабандӣ карда шуда, ба фоидаи буҷети давлат ситонида шуданд.

Дар ин бора sugd.tj хабар додааст.

1 comment

  1. рахими насрулло 3 Декабрь, 2014 at 12:58 Ответить

    Этиет шудан даркор. Доруи тозаям проблема шудаги! Назорату азоб додани сохибкорхои бечорахоро накарда, поставщикхои фальсификатро кофта ефта несту нобуд кардан даркор! Ин мурочиат ба мутассадиени соха(агар худашон ин проблемава хамрох набошанд).

Опубликовать новый комментарий

Также рекомендуем