Норинҷак сабаби марги як нафар гардид

0
897 просмотров

14 январ, тахминан соатҳои 16:30 аз ҷониби истиқоматкунандаи шаҳри Душанбе, кӯчаи Рӯдакӣ 176, ҳуҷраи 5 Мезентсев Иван Андреевичи 33-сола дар назди  даромадгоҳи (подъезд) бинои мазкур таркиш ба амал омад. Номбурда, ки дар ҳолати мастӣ қарор дошт ва  як  адад норинҷаки РГД-5-ро, ки  ғайриконунӣ дар хонаи истиқоматиаш нигоҳ медошт,  бо худ гирифта,  дар натиҷаи беэҳтиётӣ  нисбат ба ин дастгоҳи тарканда, сабаби ин ҳодиса гардид. Дар ин бора АМИТ «Ховар» бо истинод ба Вазорати корҳои дохилии ҷумҳурии Тоҷикистон хабар медиҳад.

Ба иттилои манбаъ, дар натиҷаи таркиши норинҷак шаҳрванд Мезентсев Иван Андреевич ҷароҳатҳои ҷисмонӣ бардошта, дар беморхона ба ҳалокат расид.

Санҷиши ҳодиса аз ҷониби гурӯҳи  фаврӣ-тафтишотии мақомоти ҳифзи ҳуқуқи шаҳри Душанбе идома дорад.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: