Ноутбуки кисагӣ аз ширкати GPD

0
537 просмотров

Ширкати Гонконгии GPD ноутбуки ултраихчами 7-дюймавиро коркард намуд, ки хаҷми он ҳатто аз планшети iPad mini низ хурдтар мебошад.

Имрӯзҳо, пас аз дар бозор васеъ паҳн шудани смартфону планшетҳои шаклу андозаи гуногундошта чунин дар назар менамуд, ки дигар ба касе ноутбукҳои қулай ва ихчам лозим нестанд. Ба ҳар ҳол, истеҳсолгарон ба  баровардани чунин ноутбукҳо саросема нестанд. Аммо афсус, зеро ин гуна формати ноутбуки ултраихчаму вале компютери комил ба мисли пешин баҳри ҳалли якчанд вазифаҳо беназир хоҳад буд. Махсусан агар ба он пайваст намудани дастгоҳҳои периферийнӣ лозим ояд.

Ноутбуки  гонконгии GPD Pocket бо экрани 1920 бар 1200 пиксел ва диагонали ҳамагӣ ҳафт дюйм барои ҳалли чунин мушкилот пешбинӣ гардидааст, ки нисбати  планшети iPad mini қариб як дюйм хурд мебошад. Новобаста аз ин, он дорои системаи амалиётии функтсияҳои мукаммал (барои интихоб Windows 10 Home ё Ubuntu 16.04 LTS) ва маҷмӯи интерфейсҳои USB 3.0, USB Type-C ва micro HDMI мебошад. Ҳамаи ин дар дохили танаи алюминӣ маҳфуз мебошад, ки вазнаш 480 граммро ташкил медиҳад.

Ноутбук дар асоси протсессори Intel Atom X7-Z8700 кор мекунад, хотираи муваққатиаш 4 гигабайтро ташкил дода, хотираи доимиаш аз 128 гигабайт иборат аст. Дар як марҳилаи нерӯгирӣ аккумулятори ғунҷоишаш 7000 милиампер соат GPD Pocket қодир аст, ки 12 соат кор кунад. Барои васеъ кардани портҳо аз ноқил барои USB Type-C истифода бурдан мумкин аст. Барои ҷамъоварии маблағ, баҳри дар шакли васеъ аз истеҳсолот баровардани ноутбуки мазкур коркардчиён ширкати краудфандингиро таъсис доданд.

Ба ғайр аз ин, дастгоҳ он қадар гаджети серталаб гардид, ки дар давоми камтар аз як шабонарӯз масъулони ширкати краудфандингӣ барои дар шакли васеъ ба рох мондани истеҳсолоти ноутбуки кисагӣ маблағи заруриро ба даст оварда тавонистанд. Нахустин харидороне, ки барои фармоиши пешакӣ 399 доллар маблағ пардохт намуданд, бояд GPD Pocket-и худро аллакай ин тобистони меомада соҳиб шаванд.

Нет комментариев

Также рекомендуем

Эти луково-мясные мячики идеальны для пикника

Мясо, лук и бекон, немного времени — и получится совешенно особенное блюдо, с которым можно смело отправляться на пикник. А можно все необходимое для него взять с собой и приготовить на углях уже на природе. ...