Нозими Юсуфзод

0
342 просмотров

Садои зебо, симои зебо ва нигоҳи зебо дорад. Шӯхтабиат асту бо ҳама самимияти зиёд дорад. Маҳз ана ҳамин шӯхкориҳои ӯ тавониста ӯро ҳунарманд кунаду ба дили ҳазорон нафар бо ҳамон суруду таронаҳои ошиқонааш роҳ ёбад. Нозими Юсуфзод яке аз сарояндаҳои эстрадаи вилояти Суғд аст, ки бо суруду оҳангҳояш мухлисони зиёдро дар канори худ ҷамъ намудааст.

Даричаи ошноӣ

Нозими Юсуфзод 28-феврали соли 1982 дар шаҳри зебо манзар ва бостонии Хуҷанд таваллуд шудааст. Овони кӯдакии худро дар ҳамин шаҳр гузаронида бузург гаштааст. Ӯ дар овони кӯдакӣ мехост санъаткор шавад ва нагузошт, ки ин орзу ба гӯшаи фаромӯшӣ равад ва талош кард ба орзуҳояш бирасад ва ҳамин тавр ҳам шуд, назди худ тасмим гирифту санъаткор ҳам шуд ва имрӯз яке аз номдорҳост дар ин ҷода, яъне дар касби интихобкардааш. Нозими Юсуфзод оиладор, соҳиби 3 фарзанд.

Мо ҳам хостем оид ба ҷодаи интихобкардаи Нозими Юсуфзод сӯҳбате дошта бошем ва гуфтугӯи мо бо ин санъаткори шинохтаи шаҳри Хуҷанд ва вилояти Суғд.

Нозимҷон қаблан Шуморо ба кошонаи радио хушомадедмегӯем.

_MG_8284Нозими Юсуфзод: Салом ба Шумо ва кулли мухлисону ҳаводорони радиои овозадори шаҳри Хуҷанд, ки ҳунари мо санъаткоронро аввалин бор ана ҳамин радио муаррифӣ карда буд.

Мегуфтед, ки фаъолияти эҷодии Шумо кадом сол оғоз ёфт?

Нозими Юсуфзод:Ташаккур фаъолияти эҷодии ман аз рӯи касби интихобнамудаам соли 2001 дар ҳайсигурӯҳи «Билол» оғоз ёфта буд ва як муддат дар ин гурӯҳ кору фаъолият намуда,пасон хостам бисанҷам, ки дар алоҳидагӣ низ фаъолияти худро давом дода метавонам ё на ва шукрона, ки дар алоҳидагӣ ҳам ҳунари худро сайқал дода тавонистам.

Аввалин албоми Шумо бо чӣ ном пешкаши мухлисону ҳаводоронатон гардид?

Нозими Юсуфзод:Аввалин албоми ман бо номи «Нигорам» пешкаши мухлисони азизам гашт.

Ба ғайр аз санъаткорӣ мегуфтед, ки аз ӯҳдаи кадом ҳунари дигар баромада метавонед?

Нозими Юсуфзод:(Механдад)Ба ғайр аз санъаткор ман гӯям бовар намекунед  аз ӯҳдаи актёрӣ ва рассомӣ баромада метавонам ва шояд аксари мухлисонам ҳунари актёрии маро донанд, зеро ман дар чанд филмҳои мазҳакавии кӯтоҳ нақш офаридаам.

Кадом хислатҳои инсон бароятон писанд аст?

Нозими Юсуфзод: Агар инсонро ба дарахт шабоҳат диҳем, тарбия меваи он аст. Инсон ду нишонияти асосӣ дорад: аввал тарбия, яъне ахлоқи ҳамида ва дигаре дониш. Бузургон ду хислати асосӣ доранд: нахуст масъулиятшиносӣ ва баъдан хоксорӣ, ана ҳамин аст хислати дӯстдоштаи ман яъне хоксорӣ, зеро барои инсон хоксорӣ аз ҳама чиз авлотар аст.

Нозимҷон аксар санъаткор ва умуман ҳар як инсони муваффақ бо баробари ҷаҳду талош барои худаш боз ҳам мекӯшад шогирдҳои вафодорро тарбият кунад то онҳо низ дароянда ба халқу ватан хизмат кунад, Шумо ҳам шогирд доред?

Нозими Юсуфзод: Бале, мо ҳам бо баробари ин қадар ҷаҳду талош боли худамон боз ҳам шогирдҳоро низ тарбия мекунем, яъне шогирд дорам, ки инҳо Шӯхратҷон Калонов ва Амирҷони Ӯктамзод мебошанд.

Диду назари Шумо ба хониш ва навозиши зинда?

Нозими Юсуфзод: Хониш ва навозиши зиндаро хело зиёд дӯст дорам, лекин баъзан-баъзан аз фонаграмма ҳам истифода кардан лозим на ба ҳадде, ки дар ҳамаҷо ҳар лаҳза дар ҳолатҳо зарурӣ, ки ба он эҳтиёҷ пайдо шавад.

Нозимҷон агар Шумо як миллион медоштед, чи кор мекардед.

Нозими Юсуфзод: (Механдад) Агар маняк миллион медоштам ба ятимон, камбизоатон, хонаи калонсолон медодаму ва дар ҳолати боқӣ монданаш сафар ба Аврупо мекардаму онҷо клипҳои сатҳи ҷаҳониро омода мекардам.

Ба кадом ҳунармандон пайравӣ мекунед?

НозимиЮсуфзод:АҳмадЗоҳир, КарматуллоҚурбонов, Анвар Қосимов.

Дар оянда чӣ нақшаҳои дигарро рӯи даст доред?

Нозими Юсуфзод: Нақшаҳои зиёд дорам, ки рӯи он кор кунам нақшаҳои ман тамомнашаванда.

Дар фарҷоми ана ҳамин сӯҳбати самими ба кулли мухлисону ҳаводоронатон чи гуфтанӣ доред?

Нозими Юсуфзод: Сараввал ташаккур мегӯям ба кулли кормандони радиои Шумо, ки маро инҷо даъват намудед. Ва пас аз он ба тамоми мухлисонам хонаободӣ ва саодати зиндагиро таманно дорам. Бигзор ҳамеша сарбаланд бошанду дар Ватани азизу маҳбубамон сулҳу оромӣ бошад.

Сабтҳои Нозимҷонро инҷо шунида метавонед:

Навор аз Нозимҷони Юсуфзод

Nozimjon Yusufzod — GUL PARI from Portal Tiroz on Vimeo.

Нет комментариев

Также рекомендуем

Рио-2016 (19/08)

ҲАМКОРИ ЛОИҲА IAMDIFFERENT: Olá amigos. Дар аввал чанд хабари нав аз Бозиҳои ХХХI тобистонаи олимпӣ. Дар намуди заврақронӣ дар каноэ ба масофаи 200 метр зудтар ...