Нозукии хатарноки usb-интерфейс ошкор шуд

0
674 просмотров

Таҷҳизоти мутобиқшуда бо интерфейси USB, ба ҳаёти мо пурра ворид шудааст. Имрӯзҳо кам нестанд нафароне, ки бо худ таҷҳизоти захиракунандаи USB, бо ибораи дигар флешка доранд. Бояд  бидонед, ки минбаъд ягон USB-гаджет ба шумо кафолати бехатарӣ ва амнияти маълумотҳои шахсиатонро  дода наметавонад

Муҳандисони системаи бехатарии ширкати SR Labs Карстен Нол ва Джейкоб Лелл  нақша доранд, ки давоми ҳафта маълумотҳои дар натиҷаҳои тадқиқоти худ оид ба нозукии интерфейси USB, ки то ин дам нафаре ошкор накардааст,  фош кардаанд, нашр намоянд. Ошкор накардаанд ва ё ин маълумоти муҳимро қасдан ифшо накардаанд? Ин суоли муҳим аст.

Тадқиқотчиён махсус барои ин озмоиши худ вируси BadUSB-ро навиштанд, ки метавонад ҳамаи USB — таҷҳизотро мубталои худ гардонад. Пас аз он ки таҷҳизот ба компютери шахсӣ пайваст мешавад, вирус қобилияти зери назорати худ қарор додани системаҳои муҳимро дорад, аз қабили редиректи интернет-трафик, таҳвили файлии маълумотҳои истифодабарандаро ба сервери дуршуда ва ғайра.

Вируси BadUSB  дар flash-хотироти таҷҳизот  нигаҳдорӣ карда намешаввад ва истифодабаранда наметавонад онро аз USB  хориҷ кунад. Вай дар ҳошияи USB – таҷҳизот маскун буда, функсияҳои асосии онро назорат мекунад. Тарзи хориҷ кардани вирус аз гаджет умуман вуҷуд надорад.  Барои тоза кардани рамзи зараровар аз ҳошияи USB  дониши васеъ дар соҳаи программакунонии контроллерҳо ва реверс-инжиниринг бояд дошт.

«Ин нозукиро бояд тезтар ислоҳ намоем, — мегӯяд Карстен Нол дар мусоҳибаи худ бо Wired, — Агар ин нозукӣ ислоҳ нашавад, пас моро зарур аст, ки баъд аз истифодаи флешка онро партоем».

Даҳшатовараш он аст, ки  ин вирус метавонад ҳамаи таҷҳизоте, ки ба USB –порт васл карда мешавад, мублатои худ кунад. Ин метавонад клавиатура, мушак, смартфон, гаджетҳои гуногун бошад. Аз сабаби он ки дар ҳошияи USB –таҷҳизот ягон намуди имзои ададӣ вуҷуд надорад, вирус метавонад номаълум ба файлҳои шумо даст ёбад. Тадқиқотчиён таъкид мекунанд, ки  эҳтимол кормандони агентиҳои давлатӣ, ба монанди АНБ муддати тулонист, ки ин нозукиро барои манфиати худ истифода мебаранд.

Пас аз чунин вокуниш ба USB –таҷҳизот бовар кардан ё накардан интихоби Шумост. Лекин як чиз аниқ аст: дар ҷаҳони иттилоотии муосир амнияти кулл вуҷуд надорад.

Манбаъ: http://hi-news.ru/technology/obnaruzhena-kriticheskaya-uyazvimost-v-usb-interfejse.html

Нет комментариев

Также рекомендуем

Notebook аз ширкати Razer

Намоишгоҳи эектроникаи маишӣ дар Ласвегас ҳатаи гузашта ба охир расид. Вале хабарҳои ҳайратовар то ҳол ба гӯш мерсанд. Ин намоишгоҳ барои ширкати Razer  CES  зараовар ...