Натиҷаи таваҷҷӯҳу ғамхориҳои Ҳукумати Ҷумҳурии Тоҷикистон, махсусан Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон нисбат ба варзиш аст, ки сол аз сол варзишгарони кишвар дар мусобиқаҳои бонуфузи ҷаҳонию байналхалқӣ ба натиҷаҳои дилхоҳ мушарраф мешаванд.
Ҳафтаи равон боз се варзишгари тоҷик дар чемпионати ҷаҳон дар намуди варзиши «Карате до», ки дар шаҳри Бигдоши давлати Лаҳистон баргузор гардид, бо музаффарият баргаштанд.
Мусобиқаи бонуфуз давоми се рӯз аз 1 то 3-юми апрел бо иштироки намояндагон аз 98 давлати ҷаҳон доир шуд. Барои ширкат дар ин мусобиқа се нафар каратечиёни тоҷик аз вилояти Суғд — курсанти соли аввали факултаи 4-уми Академияи ВКД Омон Очилов дар вазни зери 84 кг, Далер Баротов дар вазни 60 кг ва Соҳибҷон Шомуродов дар вазни 25 кг Ҷумҳурии Тоҷикистонро намояндагӣ карданд. Варзишгарони тоҷик бо нишон додани маҳорати баланди варзишӣ ҳар кадоме дар вазнҳои худ ҷоизадори мусобиқа гардиданд. Аз ҷумла, О. Очилов бо иштирок дар се муҳориба ба ҳарифони худ дастболо гардида,
зинаи ифтихорӣ — ҷойи авалро соҳиб ва сазовори медали тилло гашт. Далер Баротов бо ишғоли ҷойи дуюм соҳиби медали нуқра ва Соҳибҷон Шомуродови 8 сола бо гирифтани мақоми сеюм сазовори медали биринҷии мусобиқа гардид.
Бо ташаббуси Вазири корҳои дохилии Ҷумҳурии Тоҷикистон, генерал-лейтенанти милитсия Раҳимзода Рамазон Ҳамро ба муносибати истиқбол ва пешвозгирӣ аз варзишгарони кишвар шоми 6-уми апрел дар Фурудгоҳи байналмилалии шаҳри Хуҷанд роҳбарияти Раёсати ВКД дар вилояти Суғд, садорати Факултаи 4-уми Академияи ВКД, омӯзгорону курсантони боргоҳи таълимии зикргардида, шурои ҷумҳуриявии варзишии «Динамо»-и ВКД дар вилояти Суғд ва хешовандону пайвандони варзишгарон бо дастагулу тӯҳфаҳои хотиравӣ ташриф оварданд.
Баъди пешвозгирӣ нахуст сардори Раёсати ВКД Ҷумҳурии Тоҷикистон дар вилояти Суғд, генерал-майори милитсия Назарзода Шариф Раҳмон дар байни ҷамъомадагон суханронӣ намуда, табрикоти Вазири корҳои дохилӣ, генерал-лейтенанти милитсися Раҳимзода Рамазон Ҳамроро ба ғолиби мусобиқа — курсанти соли аввали Факултаи 4-уми Академияи ВКД дар маросими тантанавӣ тақдим намуд. Мавсуф дар идомаи суханрониаш зикр намуд, ки роҳбарияти ВКД барои ба варзиш ҷалб намудани ҳайати шахсӣ пайваста таваҷҷӯҳи махсус зоҳир менамояд. Ба варзишгароне, ки дар сафи милитсия фаъолият мебаранд имконият ва шароит фароҳам аст, ки малакаи варзишиашонро такмил дода ба мартабаҳои олии варзишӣ шарафёб гарданд.
Манбаъ: http://sugd.tj/index.
Нет комментариев