Оғози кишти пахта дар хоҷагиҳои деҳқонии Конибодом

0
108 просмотров

Рӯзи 15 марти соли равон бо иштироки муовини Раиси вилоят Рустам Каримзода дар хоҷагиҳои кишоварзии шаҳри Конибодом ба кишти пахта оғоз бахшида шуд.

Аз ҷумла, дар хоҷагии деҳқонии “Умед”-и  деҳаи Ҷаҳонзеби Ҷамоати деҳоти ба номи А. Лоҳутӣ ва хоҷагии деҳқонии ба номи Р.Қосимови деҳаи Маданияти Ҷамоати деҳоти ба номи Эргаш Шарифов кишти пахта оғоз ёфт.

Чуноне иттилоъ дода шуд, хоҷагии деҳқонии “Умед” дорои беш аз 8 гектар замин буда, имсол дар 4 гектари он пахтаи навъи “Дӯстӣ-1” кишт карда мешавад. Ба иттилои раиси хоҷагии деҳқонӣ Умед Раҳимов саҳмдорони хоҷагӣ илова бар пахтакорӣ ба боғдорӣ низ машғуланд. Дар хоҷагии деҳқонии “Умед” 4,2 гектар боғи зардолу мавҷуд буда, хоҷагидорон аз ин ҳисоб низ даромади хуб ба даст меоранд.

Саҳмдорони хоҷагии деҳқонии ба номи Р.Қосимов бошанд тибқи нақша дар 12 гектар пахта кишт менамоянд. Хоҷагии мазкур дорои 33 гектар замин, аз ҷумла 14 гектар боғ мебошад. Низомиддин Муҳиддинов, раиси хоҷагии деҳқонӣ иттилоъ дод, ки хоҷагии деҳқонии ба номи Р.Қосимов соли 2013 пас аз таҷдиди хоҷагиҳои калонҳаҷм ташкил карда шуд ва 29 нафар саҳмдор ба парваришу нигоҳубини боғ, картошка, пахта ва дигар зироатҳо машғул мебошанд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Таджикистан в списке не въездных?

Вице-спикер Госдумы Игорь Лебедев считает нужным ограничить въезд в Россию вплоть до полного временного закрытия границ в связи с повышением уровня террористической угрозы после терактов ...
%d такие блоггеры, как:

Сообщить об опечатке

Текст, который будет отправлен нашим редакторам: