Об — асли мавҷудият

1
929 просмотров

Дирӯз дар факултаи геоэкологияи Донишгоҳи давлатии Хуҷанд (ДДХ)  ба номи академик Бобоҷон Ғафуров   таҳти унвони «Об- асли мавҷудият» бахшида ба Паёми Президенти кишвар Эмомалӣ Раҳмон оид ба оқилона истифодаи об, ҷамъбасти даҳсолаи «Амалиёт об барои ҳаёт» бо иштироки устодон ва донишҷӯёни курсҳои якум ва чорум чорабинии тарбиявӣ доир гардид.

Тавре ки аз ДДХ иттилоъ доданд, дотсенти кафедраи экология ва ҳифзи табиат Фотима Очилова дар мавзӯи «Об — ин зиндагист, об — манбаи ҳаёт аст» маърӯза намуда, афзуд, ки дар тибқи Паёми Президенти Ҷумҳурии Тоҷикистон барои ҳалли масъалаи бо  оби  тозаи нӯшокӣ таъмин кардани аҳолии шаҳру ноҳияҳои Ҷумҳурии Тоҷикистон  дар  солҳои  2010 — 2018  беш  аз  як  миллиард  сомонӣ пешбинӣ гардида,  то  имрӯз як силсила корҳо иҷро шудаанд. Ф.Очилова иброз дошт, ки тӯли чанд даҳсолаи охир пиряхҳои Тоҷикистон, ки аз муҳимтарин манбаъҳои оби  минтақаанд,  қариб  30   фоизи ҳаҷми худро гум кардаанд ва  ин  тамоюл пайваста идома дорад.  Дар  ин  муддат  аз  14 ҳазор пирях ҳазортои он  ба  куллӣ нобуд шудаст. Фақат пиряхи  Федченко — бузургтарин пиряхи қитъаи хушкии Замин  дар  ин  давра қариб  1  километр  кӯтоҳ шуда, масоҳаташ ба андозаи 11 километри мураббаъ ихтисор гаштааст ва ҳаҷман тақрибан  2 километри мукааби ях талаф ёфтааст. Ҳадафи асосии даҳсола аз  расонидани мусоидат ба ҷаҳду талошҳо ба хотири иҷрои уҳдадориҳои байналмилалӣ  дар  соҳаи  об  ва захираҳои об бо он  алоқаманд то  соли  2015, аз  ҷумла  дар  самти ду баробар кам кардани қишри аҳолие, ки  ба оби ошомиданӣ безарар ва беҳдошти санитарӣ дастрасӣ надорад. Иқдоми Президенти Ҷумҳурии Тоҷикистон Эмомалӣ Раҳмон марбут ба об ба  фаъол сохтани ҷаҳду талошҳо дар ҷодаи оқилона истифода бурдани об такони нав бахшид ва даъват намуд, ки ҷомеаи ҷаҳонӣ ба ин кори хайр саҳмгузор бошанд. Дар ин бора khovar.tj хабар медиҳад.

 

 

1 comment

Опубликовать новый комментарий

Также рекомендуем

США, Япония и Южная Корея требуют созвать Совбез ООН в связи с запуском ракеты КНДР

США, Япония и Республика Корея требуют срочно созвать Совбез ООН для проведения консультаций в связи с запуском ракеты КНДР, сообщает агентство Reuters. Как отмечается, данная встреча может пройти уже в понедельник. ...