“Беневенто”- бошгоҳи нави чемпионати Италия, ки дар байни панҷ чемпионатҳои беҳтарини Аврупо бо бохтҳои пай дар пайи хеш антирекорд намуда буд, бо чемпиони бисёркаратаи Италия «Милан» бозиро мусовӣ анҷом дод. Даста дар 90 соли охир бори аввал аст, ки дар Серияи А ширкат меварзад. Бошгоҳи “Беневенто” дар 14 бозии Чемпионати Италия ба нокомӣ дучор мешуд ва то ин дам ҳатто имтиёзе ҳам ба даст наоврада буд. Дар 15 бозии сипаринамуда, фарқияти тӯбҳо 6:34 мебошад. Рақиби навбатии дастаи “Беневенто” тими “Милан” буд, ки қаблан сармруаббии ин даста Винченсо Монтелла аз вазифааш сабукдӯш гардида ва ба ҷои ӯ собиқ футболбози ин даста Ҷеннаро Гаттузо таъйин гардида буд. Шогирдони Гаттузо то дақиқаи 95-уми бозӣ бартариятро ба даст доштанд. Сонияҳое то анҷоми бозӣ ва аввалин муваффақияти Гаттузо дар дастаи “Милан” боқӣ монда буд, ки дарвозабони дастаи “Беневенто” Алберто Бриноли дар дақиқаи 90+5 бозӣ бо голи задааш Гаттузо ва шогирдонашро ноумед кард. Ёдовар мешавем, ки ин аввалин имтиёзи тими мазкур дар 15 бозии сипаринамуда ба шумор меравад. Шавқовараш дар ин аст, ки Алберто Бриноли аввалин дарвозабони Серияи А аз соли 2001 мебошад, ки ба задани гол даст ёфтааст.
Чемпионати Италия. Серия А. Даври 15-ум
«Беневенто» (Беневенто) – «Милан» (Милан) – 2:2 (0:1)
Голҳо: Пушкаш, 50 . Бриноли, 90+5 – Бонавентура, 38. Калинич, 57
Манбаъ: сомонаи расмии телевизиони «Варзиш»
Нет комментариев