Огоҳии Кумитаи ҳолатҳои фавқулода: 1-2 июл дар зери шуоъҳои офтоб камтар истед!

0
98 просмотров

Нисфирӯзии 1-2 июли соли равон  дар ҷумҳурӣ ҳарорати рўзонаи ҳаво баланд шуда, дар  вилояти Хатлон гармӣ то +45 дараҷа мерасад. Тавре аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд, дар ин рӯзҳо дар  водиҳои вилояти Суғд ва навоҳии тобеи марказ ҳарорат ба  40+42 дараҷа, дар ноҳияҳои кӯҳии вилояти Суғд то +29, ноҳияҳои кӯҳии тобеи марказ ва ноҳияҳои ғарбии ВМКБ то 33+35 ва дар ноҳияҳои шарқии ВМКБ то +22 дараҷа мерасад.

Бино ба иттилои манбаъ, ҳавои гарм ва хушк ба Тоҷикистон аз ҳудуди нимҷазираи Араб, Ҷумҳурии Эрон, Туркманистон, Ўзбекистон ва шимоли Афғонистон ворид мешавад.

Вобаста ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон  аз сокинону  меҳмонони мамлакат хоҳиш  менамояд, ки дар ин рӯзҳо  эҳтиёткор бошанд ва зери шуоъҳои офтоб камтар истанд.

Бино ба зикри манбаъ, гармои шадид сабабгори бошиддат об шудани пиряхҳо ва барфҳо дар баландкӯҳҳо мегардад. Инчунин эҳтимолияти боло рафтани сатҳи об дар рӯдхонаҳо, лағзиши тарма ва резиши санг дар назар аст.

-Иловатан аз шаҳрвандон хоҳиш карда мешавад, ки 1-2 июл ҳангоми аз хона баромадан ҳамроҳи худ об, кулоҳ ва чатр гиранд. Ҳангоми  истифода аз роҳҳои кӯҳӣ ва назди рӯду дарёҳо эҳтиёткор бошанд. Бахусус ҷавонон ҳангоми истироҳат ва оббозӣ бодиққат буда, қоидаҳои шиновариро риоя намоянд,- омадааст дар огоҳии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.

Манбаъ: АМИТ «Ховар»

Нет комментариев

Также рекомендуем

Чемпионат Таджикистана: Матч «Памир» — «Истиклол» победителя не выявил

Центральный матч одиннадцатого тура чемпионата Таджикистана среди команд высшей лиги между душанбинскими клубами ЦСКА «Памир» и «Истиклол» победителя не выявил. Как сообщает официальный сайт Федерации ...
%d такие блоггеры, как:

Сообщить об опечатке

Текст, который будет отправлен нашим редакторам: