Ғолибияти хонандагони Хуҷанд дар озмуни «Техникони наврас»

0
1 077 просмотров

Дирӯз дар театри мусиқӣ-драммавии ба номи Маҳмудҷон Воҳидови ноҳияи Ашт бо хузури Раиси ноҳия Зариф Мирдадо даври ниҳоии озмуни вилоятии “Техникони наврас”, ки бо ташаббуси Маркази таҳсилоти иловагии вилоят сурат мегирад, натиҷагирӣ карда шуд.

Дар даври вилоятии озмун наздик 300 нафар хонандагон аз 18 шаҳру навоҳии вилоят лоиҳаҳои худро пешкаш намуданд. Озмун аз рӯйи 7 бахш натиҷагирӣ карда шуд ва ҷойи аввал насиби шаҳри Хуҷанд гардид. Ҳамин тавр хонандагони шаҳри Конибодом ҷойи дуввум ва ноҳияи Ашт мақоми сеюмро касб намуданд.

Ҷоиз ба зикр аст, ки дар озмуни номбурда аз МТМУ №19-и шаҳри Хуҷанд  Меъроҷ Маҳмудов дар бахши «Радиоконструкторӣ», аз МТМУ №21 Эмомалӣ Аллабердиев дар бахши «Авиамоделӣ», аз гимназияи №4 Баҳодур Абдуллоев дар бахши «Автомоделӣ» иштирок намуда, сазовори ҷойи аввал гардиданд.

Азиза Муродова аз мактаби хусусии «Гулчини маърифат» дар бахши «Мошинаи ояндаи коинот» ва аз гимназияи №24 Рустам Бобокалонов дар бахши «Эҷодкорӣ нисбати манзили истиқоматӣ аз нигоҳи ман» лоиҳаҳои хешро пешкаш намуда, мақоми дуюми озмуни вилоятиро ба даст оварданд.

Дилшод Назаров, аз МТМУ №2 дар бахши «Авиамоделӣ», Эҳсон Неъматҷонов, аз мактаби хусусии «Паймони азизон» дар бахши «Мошинаи ояндаи коинот» ва Муҳаммадамин Калонов дар бахши «Ихтироъкорӣ» аз мактаби хусусии «Гулчини маърифат» дар озмун фаъолона иштирок намуда, соҳиби Ифтихорнома гардиданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

РАДИОМАРАФОН

Время  эфира  с 8:00  до 13:00 — Паёми субҳ –  8:01 — Рӯз дар тақвим —  9:01 — Эълон —   9:06 —  Ритм часа ...