Дар Китобхонаи миллии Тоҷикистон дар доираи баргузории Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», 2018-2028, ки санаҳои 20-22 июн дар шаҳри Душанбе доир гашт, бо ташаббуси Ҳукумати Ҷумҳурии Тоҷикистон ва Бунёди кӯдакони СММ (ЮНИСЕФ) Анҷумани кӯдакон оид ба масоили об баргузор гардид.
Тавре аз маркази таҳсилоти иловагии вилоят иттилоъ доданд, анҷумани мазкур аз се бахши асосӣ иборат буда, дар он хонандагони муассисаҳои таълимии №10 шаҳри Хуҷанд, Мактаби Президентӣ барои хонандагони болаёқати шаҳри Бӯстон, Литсейи №2 ва Гимназияи №1 ноҳияи Ашт, МТМУ№1 ноҳияи Айнӣ низ иштирокнамуданд.
Дар доираи чорабинӣ озмуни ҷумҳуриявии «Наврасон дар ҷустуҷӯйи роҳҳои инноватсионӣ» низ баргузор шуд ва дар он хонандагони Литсейи №2 ноҳияи Ашт соҳиби шоҳҷоиза гардиданд.
Манбаъ: Хадамоти матбуоти Раиси вилояти Суғд
Нет комментариев