Олимҷон соҳиби “Шоҳҷоиза”-и озмуни байналхалқӣ гардид

0
254 просмотров

Бо дастгирии роҳбарияти вилоят се нафар наврасони соҳибҳунари вилояти Суғд дар озмуни байналхалқии “Бозторғай”, ки дар шаҳри Алмаатои Ҷумҳурии Қазоқистон доир шуд, иштирок намуда, санъати миллии мардуми тоҷикро муаррифӣ намуданд.

Дар озмун кӯдакону наврасони аз 5 то 18 сола ҳунарнамоӣ карданд, ки миёни онҳо наврасони вилояти мо соҳиби “Шоҳҷоиза” ва ду ҷойи аввал шуданд.

Олимҷон Мамадҷонов-донишҷӯйи соли аввали Коллеҷи санъати ба номи Содирхон Ҳофиз дар озмуни байналхалқии “Бозторғай” ба гирифтани “Шоҳҷоиза” мушарраф шуд. Миҷгона Иброҳимова-донишҷӯйи соли аввали Консерваторияи миллии Тоҷикистон ва Зулфиқор Дадобоев — ҳунаромӯзи мактаби санъати №2 шаҳри Хуҷанд ҷойҳои аввалро соҳиб шуданд.

Дар озмуни мазкур аз 15 давлати дунё беш аз 700 нафар ширкат намуда, фарҳанги халқи хешро муаррифӣ карданд. Наврасони соҳибзавқи вилояти Суғд санъати баланди навозандагӣ ва сарояндагии хешро намоиш дода, баҳои баланди ҳакамон ва кафкӯбии мухлисонро ноил шуданд.

Иштирокчиёни наврас аз вилояти Суғд, ки Тоҷикистонро дар ин озмун муаррифӣ намуданд, бо сари баланд ва ҷоизаву туҳфахои арзанда ба Ватан баргаштанд. Қобили зикр аст, ки онҳо ба озмунҳои бонуфузи дигари дунё чун Булғорияву Итолиё даьватнома гирифтанд.

Манбаъ: Хадамоти матбуоти Раиси вилояти Суғд

 

Нет комментариев

Также рекомендуем

Французы проголосовали против антироссийских санкций

Депутаты французского Национального собрания одобрили резолюцию, призывающую правительство страны выступить против продления санкций в отношении России, сообщил депутат от партии «Республиканцы» Николя Дюик в своем ...