Маълум гардидааст, ки нони сафед ба чуноне, ки диетологҳо иброз медоштанд, зарарнок набудааст, яъне он манбаи витаминҳо ва минералҳои муҳим ба ҳисоб меравад. Муҳим танҳо он аст, ки нони сафедро дар мувофиқа бо дигар маҳсулотҳо бояд дуруст истеъмол намуд.
Ду даҳсолаи охир табибон дар бораи зарари истеъмоли нон огоҳ менамуданд, ки гўё он боиси хастагии зиёд, дарди меъда, дамиши зиёд, дарди сар ва ғайра мегардад. Аммо олимони британиягӣ ин муамморо кушоданд: Зиёд шудани одамони гирифтори аллергия аз гандум – ин танҳо маҳсули тахаюллоти диетологҳо мебошад.
Роҳбари тадқиқот Эйн O’Коннор аз фонди озуқаи Британия (British Nutrition Foundation) маълумот додааст, ки гандум воқеан аллергиябарангезандаи сахт набуда, танҳо ягона шахсҳо онро истеъмол карда наметавонанд. Моҳияти мушкилӣ дар он аст, ки нони сафедро бо чӣ истеъмол карданро донистан зарур аст. Аниқтараш эҳсосоти нохушро дигар маҳсулотҳое медиҳанд, ки бо нон истеъмол карда мешаванд.
Ҳоло олимони британиягӣ бовар кунониданӣ ҳастанд, ки нон беҳуда барои шахсоне, ки мехоҳанд хароб шаванд, душмани асосӣ ҳисоб карда шудааст. Онҳо даъват аз он доранд, ки асрори маҳсулотҳои нониро кушода, нонро манбаи асосии ғизо эътироф намоянд.
Нет комментариев