Лазере, ки сайёраро аз гуруснагӣ наҷот мебахшад, аз ҷониби мутахассисони Донишгоҳи аграрии Мичурин кашф карда шудааст. Растание, ки ба он дастгоҳи махсус таъсир мерасонад, ду маротиба тезтар месабзад ва ҳосилнокӣ зиёд мешавад, хабар додааст Daily Mail.
Бе истифодаи ягон химикат!
Одатан дар ҷахон барои баланд бардоштани дараҷаи ҳосилнокӣ аз нуриандозӣ истифода бурда мешавад. Вале маҳсулоте, ки бо ин роҳ ба даст оварда мешавад, на ҳамеша фоидаовар ва безарар барои саломатии инсон аст.
Лазере, ки аз тарафи мутахссисони шаҳри Тамбови Федератсияи Русия иштироъ карда шуд, ин як табаддулот дар соҳаи илми кишоварзӣ мебошад. Ин чиз имкон медиҳад, ки мо меваҷоту сабзавоти аз ҷиҳати экологӣ тозаро парвариш намоем.
Ба ғайр аз ин дастгоҳи мазкури русиягӣ растаниҳоро аз ҳар гуна касалиҳо табобат карда метавонад. Бо ёрии он фаҳмидан мумкин аст, ки дар таркиби ҳосили ба дастомада чӣ қадар моддаҳои зараровар мавҷуд аст ва то чанд вақт он дар таркиби маҳсулот нигоҳ дошта мешавад.
Дастгоҳи ҳамакора ва босуръат.
Мутахассисони лабораторияи биофотоника, ки лазери мазкурро коркард намудаанд, қайд мекунанд, ки дастгоҳи мазкур компактӣ буда, он қадар суръатнокии баланд надорад. Маслан, лазер ҳатто ба кори телекамераҳо, ки гарчанд ба лазер дахл надошта бошад ҳам, таъсир мерасонад.
Мувофиқи суханони кашфиётчиён шуои лазерӣ суръатнокии равандҳои табииро дар ҳуҷайрахои растанӣ метезонад. Тухмии растаниҳо тезтар месабзанд, меваҳо ҳаҷман калонтар мешаванд ва ҳосил то дергоҳ нигоҳ дошта мешавад.
Аллакай якчанд дастгоҳҳои лазерии функтсияи гуногундошта сохта шудааст. Дар байни онҳо асбобҳое ҳастанд, ки вазифаи сканеркунонии ҳосили пухтарасидаро иҷро мекунанд, ҳолати баргҳоро таҳлил менамоянд, тавассути чӯби растанӣ аз болои он тадқиқот мебаранд.
Кори роботҳо дар ин самт.
Дар донишгоҳ мегӯянд, ки насбгардонии дастгоҳи лазерӣ он қадар гаронарзиш набуда, дар давоми ду моҳи кории роботҳо маблағи сарфшударо ба даст овардан мумкин аст. Барои ин майдонро ҳамарӯза бо шуои лазер равшан намудан лозим меояд. Барои ҳамин ҳам дар ин кор истифодаи меҳнати роботҳо ба нақша гирифта мешавад.
Аввалин санҷишҳои роботе, ки бо лазер муҷаҳҳаз гардонида шуда буд, алакай дар гармхонаи донишгоҳ диор гардида буданд. Насбгардонӣ аз кунҷи девораи ҷӯйҳои кашидаи гармхона оғоз шуда, дар охир боз ба ҳамин ҷои аввала бармегаштанд.
Лаборатория дар ин самт аллкай барои сохтани датгоҳҳои лазерӣ якчанд дархосту фармоишҳо гирифтааст. Бо сохтани чунин лазерҳо бештар кишоварзон аз Москав, Сочи ва Краснодарск шавқманд шуданд.
Нет комментариев