Омодагиҳо ба Соли нави 2016 дар шаҳри Хуҷанд

0
553 просмотров

Ҳамасола сару садоҳо оид ба манъи таҷлили Соли нави мелодӣ дар Тоҷикистон баланд мешавад. Имсол низ дар шаҳри Хуҷанд ба пешвози сазовори Соли нав омодагиҳо идома доранд. Бино ба иттилои мудири бахши фарҳанги шаҳри Хуҷанд Бахтиёр Қосимов, дар марказҳои фарҳангӣ-фароғатӣ арчаҳои солинавӣ гузошта шуда, бахши фарҳанг, корхонаю ташкилот ва муассисаҳои таълимию фарҳангӣ барномаҳои солинавии худро омода менамоянд. Бо ин мақсад дар панҷ мавзеи шаҳр арчаҳои солинавӣ гузошта шуд. Бино ба иттилои роҳбари Корхонаи воҳиди давлатии коммуналии шаҳри Хуҷанд Даврон Шокиров баландии арчаи солинавии майдони «Ситораҳои Хуҷанд» ҳаждаҳуним метр буда, бараш чор метр аст. Аҷиб ин ки, ин намуди арча «Сарвиноз» ном дорад. Ва онро лампаҳои равшанидиҳандаи рангоранг оро медиҳанд. Шурӯъ аз нимаи дуюми моҳи декабр инҷониб барномаҳои солинавии ташкилоту муассисаҳо намоиш дода мешаванд. Ин гуна чорабиниҳои идона то санаи 20-уми январ, яъне, дар давраи таътили зимистона низ идома меёбанд.

ёлка Боришоти барф бошад, ба симои шаҳр дар арафаи Иди Соли нав ҳусни тоза бахшид. Мардум ҳарчанд имсол ба бӯҳрони иқтисодии ҷаҳонӣ рӯ ба рӯ гаштанд, аммо дар намоиш-фурӯши маҳсулоти кишоварзии хоҷагиҳои деҳқонии вилояти Суғд пайваста иштирок ва харидорӣ менамоянд. Онҳо барои оростани дастархони солинавӣ омодагӣ мебинанд. Зеро, имсол нарху навои маҳсулоти ниёзи аввал нисбат ба соли гузашта арзонтар буда, ҳаҷми хариди маводи ниёзи аввал нисбат ба солҳои пешин камтар шудааст. Бино ба гуфти сокини ноҳияи Бобоҷон Ғафуров Азимҷон Бобоҷонов, оилаи онҳо ҳамасола дар арафаи Соли нав барои оростани дастархони идона, маводи хӯрока захира мекарданд. Аммо имсол аз ҳисоби ноқулай будани вазъи иқтисодӣ ва бекор мондани худи ӯ, онҳо ягон захираи солинавй ва ё тӯҳфае омода накардаанд. Азимҷон рӯҳафтода набуда, умед дорад, ки дар Соли нав шароити зисту зиндагонии мардум беҳтар шуда, аз таъсири бӯҳрони иқтисодӣ осоре намемонад.

ярмарка

Чорабинии асосии солинавӣ бошад, дар майдони «Ситораҳои Хуҷанд» санаи 31 декабр, аз ҷумла, шоу-консерти устодони санъат ва ҳунармандони ҷавони вилояти Суғд баргузор мегардад.

Нет комментариев

Также рекомендуем