Омодагиҳо ба таҷлили сазовори Рӯзи ҷавонони Тоҷикистон

237

Мувофиқи нақшаи Мақомоти иҷроияи ҳокимияти давлатии шаҳри Хуҷанд санаи 20-уми май дар варзишгоҳи «Спартак»-и маркази вилоят чорабинии идона ва барномаи фарҳангӣ бахшида ба Соли ҷавонон баргузор мегардад.

рузи чавонон-1

Бо мақсади ошноӣ бо вазъи корҳои омодагӣ таъмир Раиси шаҳри Хуҷанд Маъруф Муҳаммадзода дар ин муассисаи варзишӣ ҷаласаи сайёр баргузор намуд.
Вобаста анҷоми корҳои тармим ободонӣ ороиш ва такмили сценарияи чорабинии мазкур аз ҷониби Раиси шаҳри Хуҷанд ба роҳбарони воҳидҳои сохторӣ вазифаҳои мушаххас супорида шуд.

рузи чавонон-3

 

Санаи 20-уми май дар ин варзишгоҳ бо иштироки наздик 10 ҳазор ҷавонон композитсияи адабӣ ва барномаи фарҳангӣ пешбинӣ гаштааст.

 

 

20 майи соли ҷорӣ дар қаламрави кишвар ҳамчунин веломарафони ҷумҳуриявӣ баргузор мегардад.

рузи чавонон-4

Марафони мазкур дар доираи нақшаи чорабиниҳои Соли ҷавонон, ки бо Амри Президенти Ҷумҳурии Тоҷикистон аз 8 феврали соли 2017 № АП-833 тасдиқ гардидааст, доир карда мешавад.

Намояндагони вилоятҳо ва шаҳру ноҳияҳои тобеи марказ бо теъдоди 7 нафарӣ аз Хоруғ, Хуҷанд, Кӯлоб, Қӯрғонтеппа, Турсунзода ва Рашт ба шаҳри Душанбе ҳаракат намуда, ҳам дар веломарафони пойтахт, ҳамчун рамзи дӯстӣ ва ваҳдату якдилии ҷавонон, ҳамзамон дар рӯзи Давӣ миллӣ ва чорабиниҳои бошукӯҳи Ҳамоиши ҷавонону Рӯзи ҷавонони Тоҷикистон 23 май низ ба намояндагӣ аз номи ҷавонони минтақаҳои кишвар иштирок менамоянд.

Мувофиқи нақшаи веломарафон, тибқи Хатсайри зерин доир карда мешавад:

рузи чавонон-5

1. Хоруғ – Шуғнон – Рӯшон – Ванҷ – Дарвоз – Шамсиддин Шоҳин – Кӯлоб – Восеъ – Данғара – Норак – Ваҳдат – Душанбе;
2. Хуҷанд – Спитамен – Истаравшан –Шаҳристон – Айнӣ – Варзоб – Душанбе;
3. Кӯлоб – Восеъ – Данғара – Норак – Ваҳдат – Душанбе;
4. Рашт – Нуробод – Роғун – Файзобод – Ваҳдат – Душанбе;
5. Кӯрғотеппа – Абураҳмони Ҷомӣ – Хуросон – Рӯдакӣ – Душанбе;
6. Турсунзода – Шаҳринав – Ҳисор – Душанбе;

                        21 май – Рӯзи Дави миллӣ мебошад

рузи чавонон-7

Бо мақсади иҷрои Фармони Президенти Ҷумҳурии Тоҷикистон ва банди 10–уми нақша чорабиниҳои Амри Президенти Ҷумҳурии Тоҷикистон оид ба эълон гардидани         соли 2017 “Соли ҷавонон” бо мақсади таҳкими тарзи ҳаёти солим, рушду инкишофи соҳаи варзиш ва оммавияти он, санаи 21 майи соли 2017 дар қаламрави кишвар Рӯзи Дави миллӣ баргузор мегардад.

Оғоз: соати 8.00

Марҳилаи ниҳоии мусобиқаҳои ҷумҳуриявӣ байни донишҷӯён идома дорад

рузи чавонон-8

То 21-уми майи соли ҷорӣ дар ҷумҳурӣ марҳилаи ниҳоии мусобиқаҳои ҷумҳуриявӣ байни донишҷӯёни муассисаҳои таҳсилоти олии касбии Ҷумҳурии Тоҷикистон доир мегардад.

Мусобиқаҳои мазкур бо ташаббуси Кумитаи ҷавонон, варзиш ва сайёҳӣ дар якҷоягӣ бо Вазорати маориф ва илми Ҷумҳурии Тоҷикистон ҳамасола байни донишҷӯёни муассисаҳои таҳсилоти олии касбии ҷумҳурӣ дар се марҳила доир карда мешавад.

Тибқи ҷадвали тасдиқгардида иштирокчиён аз намудҳои бокс, волейбол (байни мардон ва бонувон), гӯштини миллӣ, дзюдо, тарзи озод ва варзиши сабук байни худ рақобат менамоянд.

Имсол шаҳрҳои Душанбе, Хуҷанд, Кӯрғонтеппа ва Кӯлоб макони баргузории рақобатҳо интихоб шудаанд.

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.