Онлайн-бозор: дар куҷо ва чӣ мефурӯшем

0
334 просмотров

Онлайн-бозорҳои замона бениҳоят машҳур шудаанд. Асосан молҳое ба фурӯш бароварда мешаванд, ки ба соҳибонашон лозим нестанд, вале ба дигарон лозим мешаванд. Телефонҳои ба дилзада, планшетҳо, ноутбукҳо, либосҳои нолозима, мебели ба хона рост наомада ва ғайраю ва ҳоказо.

Якумин дар ҷаҳон онлайн-бозор ин сомонаи ebay.com, ки соли 1995 сохта шуда буд. Имрӯз ин яке аз машҳуртарин интернет-аукцион мебошад. Пардохт танҳо тариқи онлайн гузаронида мешавад. Барои фурӯхтани мол дар сомонаи Ebay забони англисиро донистан, картаи кредитӣ доштан ва кармони электронӣ лозим мебошад. Умуман он қадар осон нест.

Аммо ҳар як минтақа онлайн-бозори худро дорад, ки бо пули нақд кор кардан лозим ва бо фурӯшанда вохӯрда низ мешавад. Акнун ба шумо рӯйхати машҳуртарин онлайн-бозорҳоро дар Осиёи Марказӣ пешкаш мекунем.

Қазоқистон:

Slando.kz – машҳуртарин интернет-портал, ки ҳар кас ҳар чизро хариду фурӯхта метавонад. Дар ин ҷо ҳам молҳои истифодашуда ва ҳам навро фурӯхта метавонанд. Ба қайдгирӣ зарур нест, маълумоти мухтасарро дар бораи худ метавонед гузоред.

Гурӯҳи Место под солнцем дар Вконтакте — яке аз калонтарин интернет-барахолкаи қазоқ ба ҳисоб меравад.

Дар ин ҷо эълонҳоро асосан шахсони инфиродӣ гузошта метавонанд, ки чизи дилхоҳашонро фурӯхта метавонанд, танҳо онҳо дар Вконтакте аккаунти худро бояд дошта бошанд ва қоидаҳои гурӯҳҳоро риоя кунанд.

Alfa.kz. Ин на танҳо онлайн-бозор аст. Асосан дар ин ҷо техника фурӯхта мешавад. Дар ин ҷо шумо метавонед нархҳои гуногунро барои як мол бинед. Чунки Alfa фурӯшандагони мағоза ва фурӯшандагони оддиро ҷамъ кардааст, ки молҳои истифода шударо ба фурӯш гузоштаанд. Ҷустуҷӯякро ба кор дароред ва нархи арзонро ба моли лозимаатон ёбед.

Қирғизистон:

diesel.elcat.kg – машҳуртарин форум дар Қирғизистон мебошад. Дар ин ҷо низ ҳама чизро харед ва ё фурӯшед. Аз ҳама асосаш он ки гурӯҳро бодиққат интихоб намоед. Дар форум бояд аз қайд гузаред вале он осон намебошад.

Amart.kg – интернет-гипермаркет. Майдони фурӯшие, ки метавонед эълонатонро ҷой намоед. Барои соҳибкор қуллайтар аст – сомонаи равшан ва осон мебошад. Бақайдгирӣ ҳатмист.

Тоҷикистон:

somon.tj – яке аз машҳуртарин онлайн-бозор дар Тоҷикистон мебошад. Шумо дар ин ҷо метавонед молро дар яке аз бобҳо ёбед ва эълонатонро метавонед бе бақайдгирӣ гузоред, осон ва тез кор мекунад.

Sinon.tj  — дар ин онлайн-бозор шумо метавонед техникаи дилхоҳатонро харед ва ё фурӯшед. Аммо барои гузоштани эълон шумо бояд аз қайд гузаред ва ба утоқатон дароед.

Bozor.com – номи сомона аллакай худ гувоҳи хизматрасонӣ мебошад. Дар Bozor шумо ягон чизро фурӯхта метавонед ва ё ҳатто пешниҳодҳои тӯҳфакунӣ низ пайдо мешаванд. Эълонатонро метавонед ройгон ва бе бақайдгирӣ гузоред.

Додани эълон нисфи кор. Зарур он аст, ки онро бояд дуруст навишт, то ки молатонро бо нархи дилхоҳатон фурӯшед. Ана маслиҳати кӯтоҳ ба шумо:

 Тасвири мол

Чи қадаре, ки маълумоти зиёдро шумо дар бораи молатон нависед, ҳамон қадар шароити фурӯхтан зиёд мешавад. Агар ин техника бошад – ҳама маълумоти мухтасарро диҳед. Бори дигар бодиққат хубиҳои онро дар мундариҷа ишора намоед.

Нарх

Ҳангоми нархгузорӣ ба нархи чунин молҳои дар интернет буда диққат диҳед. Нархро каме баландтар гузоред. Агар шумо калимаи «Савдо мешавад»-ро нависед, он гоҳ шумо харидоронро ба худ ҷалб мекунед.

Расмҳо

Ҳатман сурати молатонро гузоред. Чӣ қадаре, ки он зиёд бошад ҳамон қадар хуб мешавад. Агар сурати молатон набошад он гоҳ нисфи истифодабарандагон ба эълонатон нигоҳ намекунанд.

Рақами телефон

Ҳатман рақами телефонатонро гузоред, мулоқот тариқи сомона на он қадар қулай мебошад. Касе ба шумо навиштан намехохад, ӯ мехоҳад ба шумо занг занад ва рақамеро, ки шумо ишора мекунед ҳамеша ба кор бояд бошад. Агар харидор як маротиба занг зада натавонад ӯ маротибаи дигар занг намезанад.

Шумо боз дигар маслиҳат доред? Он гоҳ мо дар суроғаи portal@tiroz.org  интизор ҳастем.

Нет комментариев

Также рекомендуем