Дар идомаи сафари корӣ Раиси вилоят ба деҳаи Сангистони ноҳияи Айнӣ ташриф оварда, аз мактаби миёнаи таҳсилоти умумии рақами 29 боздид ба амал овард. Иттилоъ дода шуд, ки бинои нави мактаб соли 2012 бо иштироки бевоситаи Президенти мамлакат Эмомалӣ Раҳмон ба истифода дода шуда, айни замон дар он беш аз 300 нафар хонандагон ба таълиму тарбия фаро гирифта шудаанд. Дар идомаи сафари корӣ Раиси вилоят оромгоҳи Нақибхон Туғрали Аҳрориро зиёрат намуд. Нақибхон Туғрал шоир ва яке аз суханварони мумтози адабиёти тоҷик буда, дар охири асри 19 ва оғози асри 20 зинадагӣ кардааст. Тавре таъкид шуд, имсол 150 — солагии ӯ таҷлил мешавад. Бо ин мақсад Раиси вилоят масъулини вилоятӣ ва маҳаллиро ҷиҳати таъмиру таҷдиди оромгоҳ, нимпайкара ва хона — музеи шоир вазифадор намуд. Қайд гардид, ки барои анҷоми корҳо аз ҳисоби мақомоти иҷроияи ҳокимияти давлатии вилоят маблағҳои зарурӣ ҷудо гардида, бояд корҳои барқарорсозӣ дар муддатҳои кӯтоҳтарин анҷом дода шавад. Хона — музеи шоир дар ҳавлии худи ӯ қомат афрохтааст. Тавре иттилоъ доданд, айёми кӯдакиву наврасии Нақибхон дар зодгоҳаш гузаштааст ва ӯ минбаъд бо нияти дарёфти камолоти бештари илмиву адабӣ дар Самарқанду Бухоро таҳсили илм менамояд. Айни замон ба хотири гиромидошти Н. Туғрал мактаби миёнаи №8 — и ноҳияи Айнӣ, ки дар деҳаи Зосун мавҷуд аст, ба номи Нақибхон Туғрал гузошта шудааст. Дар ин бора sugd.tj хабар медиҳанд.
Таджикистан и Узбекистан обсудят экспорт электроэнергии
Энергетическое ведомство Узбекистана «Узбекэнерго» опровергло сообщения в СМИ о купле-продаже электричества с Таджикистаном в зимнее время, сообщает «Газета.uz» со ссылкой на «Узбекэнерго». Ряд изданий сообщили о том, что после многолетнего ...
Нет комментариев