Оши палав ва рақси тоҷикӣ: муаррифии Тоҷикистон дар Маскав

0
55 просмотров

Донишҷӯёни тоҷике, ки дар Русия таҳсил доранд, Тоҷикистонро бо оши палав ва рақси шӯрангези тоҷикӣ дар ҳамоиши байналмилалии Созмони ҳамкориҳои Шанхай муаррифӣ карданд.
Оши палав-1

Дар фарҳангсарои Донишгоҳи давлатии Ломоносови Маскав (МГУ) ҳамоиши “Ҳафтаи Созмони ҳамкориҳои Шанхай дар МГУ” ба кори худ оғоз кард. Дар маросими ифтитоҳи ҳамоиши устодони донишгоҳ ва дигар намояндагони баландпоя аз ҷумла, нахустин раисҷумҳури Қирғизистон Аскар Оқоев ширкат ва суханронӣ карданд. Аксар Оқоев Созмони ҳамкориҳои Шанхайро яке аз муҳимтарин созмонҳо дар ҷаҳон номиду аз торихи он ёдовар шуд ва гуфт, ки танҳо ин созмон қодир аст дар саросари ҷаҳон сулҳу оромиро бар по дорад ва ҳатто вазъи Афғонистонро беҳбуд кунад.

Оши палав-2

“Созмони ҳамкориҳои Шанхай қодир аст, мушкилоти ҷаҳонро ҳал кунад”, – гуфт Аскар Оқоев.
Дар ҳамоиш асосан намояндагони ҷавони кишварҳои узви СҲШ ширкат карданд. Беш аз 150 донишҷӯ аз Қирғизистон, Ӯзбекистон, Тоҷикистон, Чин, Ҳиндустон, Русия ва дигар кишварҳо дар чорчӯби ин барнома бо фарҳангу хӯрокҳои миллии кишварҳои якдигар шинос шуданд.

Форум се рӯз аз 17 то 19 апрел идома хоҳад ёфт ва дар ин муддат донишҷӯён ҳамдигарро бо фарҳанг, хӯрокҳои миллӣ ва расму ойинҳои кишварҳои худ ошно мекунанд.
Оши палав-3

Тоҷикистонро дар ин ҳамоиши байналмилалӣ се донишҷӯ — Фарҳод Ҷонмаҳмадзода, раҳбари гурӯҳи рақсии “Гулчин” ва донишҷӯи бахши магистратураи донишгоҳи шаҳри Маскав, Аскар Латифов, донишҷӯи соли чаҳоруми Донишгоҳи техникии давлатии шаҳри Брянск ва Бахтовари Диловар, донишҷӯи соли дувуми  бахши магистратураи Донишгоҳи давлатии шаҳри Брянск муаррифӣ мекунанд.
Оши палав-5

Дар рӯзи аввали ҳамоиш пас аз ифтитоҳи расмӣ, намоиши хӯрокҳои миллӣ ва барномаи консертӣ баргузор шуд. Мизи Тоҷикистонро донишҷӯёни тоҷик бо хӯрокҳои миллӣ оро дода буданд. “Дишаб мо хоб накардем. Аз субҳ зуд машғул ба пухтани оши палав шудем. Кулча ва пирошкиҳоро низ худамон пухтем”, — гуфт Фарҳод дар сӯҳбат бо хабарнигори Sputnik Тоҷикистон.

Бори дувум мешавад, ки Фарҳод дар ҳамоиши Созмони ҳамкориҳои Шанхай дар шаҳри Маскав ширкат мекунад.
Оши палав-4

“Соли гузашта ман худам танҳо Тоҷикистонро муаррифӣ карда будам. Имсол дигар донишҷӯёни тоҷик низ дар ҳамоиш ширкат мекунанд”. Бахтовар ва Аскар барои ширкат дар ҳамоиш ва муаррифии Тоҷикистон дар Маскав аз шаҳри Брянск омадаанд. Онҳо имрӯз дар назди ҳамомадагон суханронӣ хоҳанд кард. Ин донишҷӯёни тоҷик орзу доранд, таҳсилро дар Русия бо муваффақият ба поён расонида, ба Тоҷикистон баргарданд ва ба мардуму кишвари худ хидмат кунанд.

“Ман ҳамроҳи Аскар аз шаҳри Брянск барои ширкат дар Ҳафтаи СҲШ дар Донишгоҳи давлатии Маскав омадем. Барои мо муаррифии кишварамон дар ин кишвар, ки мо ин ҷо таҳсил мекунем, боиси ифтихор аст. Мо бояд бо кирдори худ, бо рафтори худ фарҳанги куҳанбунёди тоҷиконро ба ҷаҳониён муаррифӣ кунем”.

Манбаъ: http://sputnik-tj.com/style/

Нет комментариев

Также рекомендуем