Овезаву навиштаҷот набояд хатоиҳо дошта бошанд

0
896 просмотров

Ҷаласаи навбатии Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» таҳти роҳбарии Раиси Комиссия, муовини Раиси шаҳри Хуҷанд Фирӯза Нуруллозода баргузор гардид.

Фирӯза Нуруллозода ҷаласаро оғоз намуда, аъзои Комиссияро бо рӯзномаи он ошно намуд. Сипас, Фирдавс Маҳмадалиев, котиби Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» аз фаъолияти 6 моҳаи Комиссия иттилоъ дода аз ҷумла афзуд, ки Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» дар ин муддат тибқи нақшаи тасдиқгардида фаъолияти худро ба роҳ монда, як қатор корҳоро ба анҷом расонд.

alt

Таъкид шуд, ки аз ҷониби Комиссияи шаҳрӣ баҳри таъмини иҷрои талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон ва ҷавобгӯ намудани номгузории нуқтаҳои савдо ва хизматрасонӣ, навиштаҷоти тахтаҳои таблиғотӣ ба қоидаҳои имлои забони тоҷикӣ тадбирҳо андешида шуд. Аризаю муроҷиатҳои соҳибмулконе, ки дар ин давра оид ба номгузорӣ намудани нуқтаҳои савдо ва марказҳои хизматрасонӣ ба Мақомоти иҷроияи ҳокимияти давлатии шаҳр ворид гардидааст, аз ҷониби Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» корбарӣ гардида, дар асоси қонунҳои амалкунанда ҷавобҳои мушаххас ва тавсияҳо дода шуд.

Сипас, аъзои Комиссия профессор Туғрал Шокиров, нависанда Дадохони Эгамзод, Кибриё Ҷӯраева, Муҳайё Воситзода, Набиҷон Ҷӯраев ва дигарон баромад намуда, фикру андешаҳои хешро баҳри такмили кори минбаъдаи Комиссия иброз доштанд.

Раиси Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», муовини Раиси шаҳри Хуҷанд Фирӯза Нуруллозода аз аъзои Комиссия даъват ба амал овард, ки ҷиҳати орӣ будан аз хатоиҳои овезаву навиштаҷоти идораву муассиса ва кӯчаву хиёбонҳои шаҳр дар якҷоягӣ фаъолиятро пурзур ва тақвият бахшанд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: