Оё дар Русия минбаъд муҳоҷирон мошин ронда наметавонанд?

0
3 054 просмотров

Аз аввали тобистони соли 2017 муҳоҷирон танҳо ба воситаи шаҳодатномаи ронандагии Русия метавонанд дар нақлиётҳои ҷамъиятӣ кор кунанд

Мусофирон ҳамарӯза дар нақлиётҳои ҷамъиятӣ- таксӣ, автобус, маршруткаҳо бо ронандагони тоҷику ӯзбек дучор мешаванд. Барои мӯҳоҷирон кор кардан дар нақлиёти ҷамъиятӣ як намуди воситаи кортаъминшавӣ ба ҳисоб меравад. Барои кордиҳандагон бошад- интихоби васеъ аз доираи корҷӯён аст. Мувофиқи қавонини Русия таркиби коргарони нақлиётҳои ҷамъиятӣ метавонад  40 фисадро ташкил диҳад. Дар амал ҳам чунин аст, қариб ҳар як ронандаи саввум — муҳоҷирест, ки аз кишварҳои Осиёи Миёна ба ҷустуҷӯйи кор омадааст.
Аммо  вазъяият шояд тағийр ёбад: тағийроти Қонуни федералии № 92 «Дар бораи бехатарии ҳаракати нақлиётӣ», ки аз соли 2013 инҷониб ба таъхир гузошта мешуд, ҳукми қонунӣ мегирад. Мувофиқи қонунгузориҳои тоза ронандагони хориҷӣ- муҳоҷирон аз 1-уми июни соли 2017 сар карда, танҳо ба воситаи шаҳодатномаи ронандагии русӣ, ки дар Русия ба даст овардаанд, метавонанд фаъолият кунанд.
Шаҳодатномаи ронандагие, ки ҳоло ба воситаи он кор мекунанд ва аз кишварҳои худ ба даст овардаанд, дигар дар ҳудуди ФР кор намекунад. Ҳатто шаҳодатномаи ронандагии байнамиллалӣ низ бекор мешавад. Кордиҳандагоне, ки дар ин ҷода қонуншиканӣ мекунанд ба ҷавобгарии маъмурӣ кашида мешаванд.

Ин ҷо як масъали дигар ҳам ҳаст- то кадом дараҷа ронандагони нақлиёти ҷамъитӣ ба зуддӣ метавонанд ин ҳуҷҷати русиро ба даст оранд? Агар дар як ширкат якчанд шаҳвранди хориҷӣ кор кунад чӣ? Барои ҳамин БДА ВКД Русия аз ҳозир тоҷирони соҳаи нақлиётиро ҳушдор мекунад.

Муфассал:http://sputnik-tj.com/

Нет комментариев

Также рекомендуем

История возникновения новогодней елки

Встреча Нового года с детства у нас ассоциируется с елкой, обвешанной гирляндами и игрушками. Она стала символом праздника и традиция ставить на Новогодние праздники эту ...

Сообщить об опечатке

Текст, который будет отправлен нашим редакторам: