Барои дастгоҳи заряддор, ки дар давоми сол ба шабака пайваст аст, чй қадар маблағ бояд супорид? Оё зарур аст, ки дастгоҳи заряддорро хомӯш кард!

Мутахассисони портали байналхалқии HowToGeek.com озмоиши аҷоибро гузарониданд. Ақида ҳаст, ки дастгоҳи заряддори ба васлак доим пайваст будаи телефону планшетҳо, зиёд қувваи барқро сарф мекунанд. Ва ҳамёни соҳиби худро тез холй мекунанд. Мутахассисон тасмим гирифтанд, ки то кадом дараҷа дуруст будани ин ақидаро санҷида бинанд. Суоле ки ба он компутерчиён ҷавоб додан хостанд, хеле оддь буд. Оё лозим аст, ки пас аз пурра заряддор шудани телефон, онро аз васлак ҷудо кард?

Дарҳол мегӯем, ки ҷавоби манфӣ гирифта шуд. Хомӯш кардани дастгоҳи заряддор аз васлак бо сабабҳои моддй лозим нест. Барои гирифтани маълумот  ба озмоишгарон заррур гардид, ки шабакаро якбора бо ҳафт адад дастгоҳи заряддор, ки ба смартфону планшетҳо мансуб аст, пур кунанд. Танҳо ҳамон гоҳ, дар таҷҳизоти ҳисобкунй ракамҳое, ки аз сифр фарқ дошт муайян гардид.

Дар натиҷа маълум гардид, ки дар давоми сол ҳафт адад, дастгоҳи заряддори ба васлак пайваст карда шуда, ҳамагй 2,5 кВ/с –ро аз худ мекунад.

Ба ҳар ҳол мутахассисон маслиҳат медиҳанд, ки зарядкаро аз васлак ҷудо карда монанд. Ин гуна амал бо сабабҳои моддй неву аз нуқтаи назари бехатарй мебошад. Гап дар сари он аст ки ҳама намуд дастгоҳҳое, ки ба шабакаи барқ пайваст аст, нисбат ба таҷҳизоти хомӯш, дар худ хавфи калон дорад.

Манбаъ: http://point.md/