Озмуни беҳтарин шеър ва мақолаи публитсистӣ, ки бахшида ба 20-солагии Рӯзи Ваҳдати миллӣ эълон гардида буд, ҷамъбаст гардид

0
314 просмотров

Озмуни беҳтарин шеър ва мақолаи публитсистӣ, ки бахшида ба 20-солагии Рӯзи Ваҳдати миллӣ эълон гардида буд, ҷамъбаст гардид ва ғолибон қадршиносӣ шуданд. Маросими супоридани тӯҳфаҳо ба ғолибони озмун дирӯз 3 июл дар Мақомоти иҷроияи ҳокимияти давлатии вилояти Суғд баргузор шуд. Дар ин маросим муовини якуми Раиси вилояти Суғд Рустам Раҳматзода иштирок намуда, ғолибони озмунро табрик гуфт. Мудири шӯъбаи рушди иҷтимоӣ ва робита бо ҷомеаи дастгоҳи Раиси вилояти Тоҷибой Султонӣ дар ин нишаст иттилоъ дод, ки тибқи баҳогузории ҳайати ҳакамон дар бахши беҳтарин мақолаҳои публитсистӣ навиштаҳои Файзулло Атохоҷаев, Наталия Кутузова, Адибаи Хуҷандӣ, Фарҳод Абдувализода, Фариза Абдуғафорзода, Дилшод Рустамов беҳтарин дониста шуд. Дар бахши беҳтарин шеърҳо дар васфи Ваҳдати миллӣ ҷойи якумро шоири шинохта Толиб Карими Озарахш соҳиб гардида, мақомҳои баъдиро Абдуқаюм Мамадҷонов, Муҳсин Аминзода, Аъзами Хуҷаста,  Фарзонаи Зарафшонӣ ва Маҳваш ишғол намуданд ва муовини якуми Раиси вилоят Рустам Раҳматзода дар вазъияти тантанавӣ ба ғолибон мукофотҳои пулиро тақдим намуд. Раиси бахши суғдии Иттифоқи нависандагони Тоҷикистон Аҳмадҷони Раҳматзод зимни сӯҳбат аз дастгирии адибон изҳори хушнудӣ намуда, барои ташкили чунин як озмун ба роҳбарияти вилоят изҳори сипос намуд.

 

Манбаъ: www.sugd.tj

 

Нет комментариев

Также рекомендуем

Интихоби «Велосипед»-у «Ролик

Тавре мо медонем, нафаре мошинронӣ, нафари дигар, аспсаворӣ ва гурӯҳе велосипедронию конкирониро дар фасли тобистон дӯст медоранд. Албатта, шуғли инсон гуногун аст ва ҳар кас ...