Озмуни «Маликаи сол» ҷавондухтари зеботарини Хуҷандро муайян хоҳад кард

0
528 просмотров

Бо мақсади эҳё намудани анъанаҳои милли, тарбияи маънавию эстетикии ҷавонон, эҳтиром ва муҳаббат нисбат ба зан, ҳусну ҷамол, тарзи муомилаву завқи либоспушӣ, мустаҳкам намудани тарбияи зебопарастӣ ҷавонон, бахшида ба 25 солагии Истиқлолияти давлатии Ҷумҳурии Тоҷикистон Бахши ҷавонон, варзиш ва сайёҳии шаҳри Хуҷанд санаи 15 июни соли равон озмуни «Маликаи сол-2016»-ро баргузор менамояд.
Барои иштирок дар озмун то имрӯз  довталабони озмун, Гулрӯ Исмоилова — донишҷӯи донишкадаи иқтисод ва савдои донишгоҳи давлатии тиҷоратии Тоҷикистон, Мавзуза Нормухамедова – донишҷӯи Донишкадаи политехники  Донишгоҳи техники Тоҷикистон ба номи ак. М.Осимӣ, Парвина Қурбонова — хонандаи Мактаби таҳсилоти миёнаи умумӣ № 16, Заррина Сатторова — донишҷӯи ДДХ ба номи академии Б. Ғафуров, Ҷамолби Сафиева — донишҷӯи Коллеҷи тиббии шаҳри Хуҷанд ва Сайфура Нозимова — хонандаи Мактаби таҳсилоти миёнаи умумӣ № 22 дар маҷмӯъ ҳашт нафар номнавис шуда, барои озмун омодагӣ  мебинанд.
Ҷавондухтарон тибқи шартҳои озмун аз қабили намоиши либоси миллӣ ва шиносоӣ, намоиши сару либосҳои ҳаррӯза, изҳори муҳаббат (ба модар, падар, устод, маъшуқ, ватан), намоиши либоси ҷашнӣ  ҳунарномоӣ дар ҷодаи саънат (ракс, хондани суруд ё шеър), намоиши либоси базмӣ — арӯсӣ бояд маҳорату дониш ва малакаи худро манезури ҳозирон ва аъзоёни ҳакамон намоянд.
Озмуни имсолаи «Маликаи сол-2016» соли бистудуюмин аст, баргузор гашта ҳамсола барои ширкат дар ин озмун ҷавондухтарон ба таври ихтиёрӣ тибқи муқаррароти  умумӣ номнавис шуда, баъди марҳилаи аввали санҷишӣ барои ширкатт дар марҳилаи ниҳоӣ роҳхат мегиранд.

Манбаъ: http://khujand.tj/

Нет комментариев

Также рекомендуем