Пахши мустақими чорабинии пуршукуҳро тамошо намуданд

0
350 просмотров

Бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чархаи аввалини Неругоҳи барқи обии «Роғун» ба кор андохта шуд ва ҳамин тавр миллати тоҷик ба орзуи деринаи худ расид. Ин рӯзи деринтизор дар саҳифаҳои таърихи миллат бо ҳарфҳои заррин сабт гардид.

Неругоҳи барқи обии «Роғун» натиҷаи заҳмату талош ва ҷоннисориву азхудгузаштанҳои Пешвои миллат муҳтарам Эмомалӣ Раҳмон ҷиҳати таъмини зиндагии шоистаи ҳар сокини Тоҷикистони соҳибистиқлол мебошад. Ин воқеаи фараҳбахш вуҷуди ҳар сокини мамлакатро аз шодиву фараҳ ва ифтихор лабрез кард.

Сокинони вилояти Суғд дар саросари шаҳру ноҳияҳо маросими ифтитоҳи чархаи аввалини Неругоҳи барқи обии «Роғун»-ро тавассути оинаи нилгун тамошо намуданд. Аз ҷумла, кормандони шуъбаву раёсат, сарраёсатҳои мақомоти иҷроияи ҳокимияти давлатии вилоят якҷоя пахши мустақими чорабинии пуршукуҳро тамошо намуданд.

Ҳамзамон ҳазорҳо нафар сокинони касбу кори гуногун дар мавзеъҳои гуногуни маркази вилоят — майдони Шоҳ Исмоили Сомонӣ, майдони Парчами давлатии Ҷумҳурии Тоҷикистон, майдони Театри давлатии мазҳака-мусиқии ба номи Камоли Хуҷандӣ ва назди Қасри ҷавонони ба номи Лоиқ Шералӣ тавассути мониторҳо расми ифтитоҳи агрегати аввалини бузургтарин нерӯгоҳи ҷаҳонро тамошо карданд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: