ПАЛАВИ ТОҶИКИРО ДАР МОСКВА ШОҲИ ТАОМҲО НОМИДАНД.

0
360 просмотров

26 апрел дар Маркази адабиёти шарқи Китобхонаи давлатии Россия муаррифии монографияи «Лаззати Шарқ. Анъанаҳои гастрономӣ дар таърих, фарҳанг ва динҳои мардумони Осиё ва Африқо», ки дар кафедраи забонҳои ҳиндуэронӣ ва африқоии Донишкадаи давлатии муносибатҳои байналмилалии шаҳри Москва (ДДМБМ) таҳия шудааст, баргузор гардид. Китоб ба хотираи хатмкардагони Донишкадаи мазкур – ҷуфти ҷавон, кормандони Сафорати Россия дар Покистон, ки ҳангоми заминларза дар Непал (25 апрели соли 2015) вафот кардаанд, Алексей Липеев ва Мария Яковлева бахшида шудааст.

Яке аз бахшҳои монография «Палави тоҷикӣ ҳамчун хӯроки писандидаи фарҳанги бойи халқи тоҷик» ном дорад. Муаллифи ин бахши монографияи дастаҷамъона рӯзноманигори шинохта, доктори илмҳои ҷомеашиносӣ, профессори ДДМБМ Ҳалима Хушқадамова зимни суханронии худ дар бораи таҳлилҳо зикр карда, ба таҳлилгарон ва нашриёт барои дастгирӣ ва чопи лоиҳааш изҳори миннатдорӣ намуд.

Маросими муаррифии монография аз ҷониби донишҷӯёни ДДМБМ, ки забони бенгалӣ – ҳиндӣ ва паштуӣ – дариро меомӯзанд, бурда шуд. Духтарон бо сариҳои ҳиндӣ нусхаи китоби зебо печонидашударо ба директори Маркази адабиёти шарқи Китобхонаи давлатии Россия М. Меланина тақдим намуданд. Донишҷӯён ҳамчунин доир ба монографияи муаррифишуда викторина барпо намуданд. Ҳамин тавр, яке аз саволҳо чунин садо дод: «Кадоме аз хӯрокҳоро шоҳи таомҳо меноманд?».

Якчанд нафар аз иштирокдорон «Палави тоҷикӣ» посух доданд. Ин сиғаи ғаймуқаррарӣ ба чорабинии мазкур фавқулодагӣ бахшид ва таъми ғайриодии таомҳои Шарқ ва ғановати фарҳанги халқҳои Осиё ва Африқоро махсус таъкид кард.

Манбаъ: АМИТ «Ховар»

Нет комментариев

Также рекомендуем

100 коротких и интересных фактов о человеке

Единственная часть тела, которая не имеет кровоснабжения — роговица глаза. Кислород она получает непосредственно из воздуха. Емкость мозга человека превышает 4 терабайта. До семи месяцев ребенок может дышать и глотать одновременно. ...
%d такие блоггеры, как:

Сообщить об опечатке

Текст, который будет отправлен нашим редакторам: