Раиси вилояти Суғд Раҷаббой Аҳмадзода дар шаҳри Панҷакент собиқадорони меҳнат Илёс Абӯнасров ва Моҳира Облоқуловаро аёдат кард.
Илёс Абӯнасров соли 1939 дар Ҷамоати деҳоти Лоиқ Шералӣ, дар оилаи коргар таваллуд шудааст.Ӯ Институти омӯзгории шаҳри Душанберо бо ихтисоси физика — математика хатм намуда, солҳои тӯлонӣ дар муассисаи таҳсилоти миёнаи умумии №6 фаъолият намудааст. Дар ҷумҳурию вилоят, шаҳри Панҷакент ҳамчун омӯзгори намунавӣ шинохта шуда, бо чандин ифтихорномаву сипосномаҳои мақомоти иҷроияи кокимияти давлатии вилояту шаҳр ва мукофотҳо қадрдонӣ гардидааст.
Моҳира Облоқулова бошад соли 1940 таваллуд шудааст. Ў собиқ директори корхонаи “Пиллаи тоҷик” дар шаҳри Панҷакент мебошад. Солҳои зиёд дар соҳаи хизмати давлатӣ фаъолият намуда, бо чандин ифтихорномаву сипосномаҳои мақомоти иҷроияи ҳокимияти давлатии вилоят ва шаҳри Панҷакент қадрдонӣ шудааст.
Раиси вилоят зимни суҳбат бо собиқадорон аз хизматҳои онҳо дар рушди соҳаҳо ёдовар шуда, ба онҳо кӯмакҳои моддӣ расонид.
Манбаъ: Хадамоти матбуоти Раиси вилояти Суғд
Нет комментариев