Панҷ хатоӣ дар рангубори рӯй

0
46 просмотров
  1. Кӯшиши ҳамеша ҷавон мондан. Бисёр вақт дар зери таъсири афкори ҷамъиятӣ занҳо зарурияти нисбат ба синну соли худ ҷавонтар намудор будани худро эҳсос мекунанд. Дар баъзе занҳо чунин фикр баъди 40 солагӣ, дар баъзеашон баъди 30 солагӣ ба вуҷуд меояд. Зан бояд бошарафона синни худро ба сар гирифта, ниқобпӯшӣ накунад, балки сабукак молиданӣ шакида, зебоии худро нишон диҳад. Агар дар мӯятон сафедӣ пайдо шуда бошад, ранги махсусеро барои мӯй истифода баред. Ожангҳои худро ҳамеша бо ёрии воситаҳои косметикии махсус ниқоб кунед ва ба усули  ҷарроҳӣ натозед. Ҳатто баъзе занҳо чунин меҳисобанд, ки ожангҳои андаке аён онҳоро зебо мегардонад.wallpaper-1361646
  2. Интихоби нодурусти молидании намкунанда (увлажняющий). Баъди 30 солагӣ  бояд дар ҳар як зан истифодаи воситаҳои намкунанда одат шавад. Ҳуҷайраҳои пӯст, ба монанди худамон, бо гузашти солҳо пир мешаванд. Ба хотири зебоӣ мо молиданиҳо ва лосйонҳои қимат мехарем, зеро фикр мекунем, ки ҳар қадаре қимат бошад, ҳамон қадар пуртаъсир аст. Аммо чӣ тавре, ки таҷриба нишон медиҳад, ин ақида на ҳамеша ба ҳақиқат рост меояд. Дар Фаронса аз 28 зан хоҳиш карда шуд, ки бо навбат 12 воситаи маъмули намкунандаро истифода баранд. Дар натиҷа ҷои дуюмро аз ҷиҳати самаранокӣ молидании на он қадар қимат аз ширкати Nivea гирифт.

Пеш аз он, ки шумо воситаи намкунандаи беҳтаринро интихоб намоед, якчандтояшро харида истифода баред. Дар бораи мӯҳлати истифода фаромӯш накунед.8eaea4388d757f3d5490251c4fdaa802

  1. Аз ҳад зиёд молидани косметика. Яке аз хатои асосӣ дар рангубори рӯй – ин аз ҳад зиёд молидан аст. Пӯсти ҷавон ба ин тоб оварда метавонад, вале барои пӯсти калонсол зарар меорад. Аз рӯи қоидаи рангубор кӯшиши зебогардониро танҳо ба ягон қисми рӯй равона созед. Агар дар шумо чашмонатон хушрӯй бошад – инро ба ҳама нишон диҳед. Хати норавшани лабро бо қалами махсус тасҳеҳ (коррекция) кардан мумкин аст. Рангубори ҳақиқӣ бояд зебоии чеҳраи шуморо нишон диҳад ва равшанӣ баланд набошад. Шумо ба рӯй агар молиданиро аз ҳад зиёд молед, синну соли Шумо барои атрофиён бештар аён мешавад.wallpaper-2680106 (1)
  2. Сахт ранг кардани лабҳо. Лабҳо на камтар аз чашм ва абрӯвон нигоҳубинро талаб мекунанд. Агар дар атрофи даҳони Шумо ожангҳо пайдо шуда бошанд, бо эҳтиёт аз қалами контурӣ истифода баред. Он лабҳоро зеботар мегардонад, махсусан агар ба Шумо лабсурхкунаки ҷилояш хира маъқул бошад. Тамоман нодуруст мебуд агар ранги қалами контурӣ нисбат аз лабсурхкунаки Шумо ё ранги табиии лабони Шумо хиратар бошад. Тасаввур кунед, ки агар лабсурхкунак аз лабони Шумо тоза шавад, хати кашидаи он бошад боқӣ монад. Ба ҷои лабсурхкунакҳои равшан, ҷилодиҳанда беҳтараш нимранги нозук ва гарм истифода баред.she-12
  3. Истифодаи рангубори 15 солаина. Баъди 40 солагӣ зан бояд рангубори худро дигар кунад, зеро пӯст тағйир меёбад – дар он ожангҳо ва доғҳои пигментӣ пайдо мешаванд. Ба ҷои сиёҳии тобишаш «вазнин» ва ҷилодиҳанда беҳтараш нозуку табииро истифода баред. Ба чашм ба ҷои қалами сиёҳи ғафс хоккистарангу қаҳварангро истифода баред.

Албатта, ҳамаи ин маслиҳатҳо то як дараҷа шартианд – занҳое ҳастанд, ки ҳатто баъди 40 солагӣ пӯсташон дар ҳолати хеле хуб аст ва онҳо метавонанд рангубори равшан кунанд.

Нет комментариев

Также рекомендуем

Samsung Galaxy s6. Аввалин акси расмӣ нашр гардид

Дар давоми ду моҳ дар гирди смартфони флагмании  Samsung Galaxy s6, овозаҳои бисёр ҷамъ шуданд. Мафҳумҳои дастгоҳ вусъат дода мешаванд, тасвирҳои инсайдерӣ нашр мегарданд, дизайнерон ...