Панири ҳақиқӣ чӣ гуна бояд бошад

0
524 просмотров

Панир маҳсулоти ширӣ буда, соддатаринҳои (бактерияҳои) ширтуршкунанда ва намак тайёр карда мешавад. Ҳар як кулӯлаи он бояд дар давоми на камтар аз се моҳ дар шароитҳои махсус тайёр шавад. Панири ҳақиқӣ бо чунин роҳ тайёр карда мешавад.

Барои муайян намудани панири ҳақиқӣ роҳу усулҳои гуногун мавҷуд мебошанд, зеро роҳҳои гуногуни истеҳсол намудани панири қалбакӣ мавҷуд аст.111

Панирро бурида, ҳиссачаи буридашударо ба болои миз мегузорем. Пас аз ду рўз: панири ҳақиқӣ бо парпанак пӯшида шуд, аммо панири қалбакӣ хушк шуд. Сирри ин осон аст, зеро аксари панирҳое, ки дар мағозаҳо фурўхта мешаванд, панири ҳақиқӣ нестанд.

Барои он ки як кг панири ҳақиқӣ тайёр намоем, 11 литр шир зарур аст. Дар мағозаву бозорҳо нархи чаканаи шири аз ҳама арзон 3 сомонӣ мебошад ва дар савдои яклухт мумкин аст 2-2,5 сомониро ташкил диҳад. Аз ин ҷо бармеояд, ки барои як кг панир ба маблағи 22-26 сомонӣ шир харидан зарур меояд. Аммо дар мағозаҳо нархи як кг панир 16-40 сомониро ташкил медиҳад. Инчунин, боз онро тайёр намудан лозим аст. Наход истеҳсолкунандагон бар зарари худ кор мекарда бошанд?

Аз ин хотир, бо мақсади арзон тайёр намудани панир дар қатори шир, инчунин чарби растанӣ, махсусан чарби палмаро истифода менамоянд. Чарби палма ба қатори чарбҳои зарарнок дохил шуда, организми инсон онро хуб қабул намекунад.

Агар дар тамғакоғази панири гудохташуда (плавленый сыр) аломати ГОСТ гузошта шуда бошад, мумкин аст, ки аз маҳсулоти босифат тайёр карда шуда бошад ва агар аломати ТУ гузошта шуда бошад, истеҳсолкунанда метавонад ба он ҳар чӣ ҳамроҳ карда бошад.

Ин ҷо як маслиҳати дигар дар бораи творог медиҳем: ба болои творог қатраи йодро мечаконем, агар он кабудча гардад, маълум мешавад, ки ба он бо мақсади зиёд намудани вазни он оҳар (крахмал) ҳамроҳ намудаанд.20120206082218-204ca0201218ec58b7c3a02e823ec5c6-chizz

Инчунин, шумо метавонед барои муайян намудани панир ва ё твороги босифат аз ҳайвонҳои хонагиатон истифода намоед:

Аз ду ва ё зиёда намуди панирҳои бурида намуда, ба назди муш гузоред. Муш албатта аз панири босифат истифода менамояд ва аз творогҳои гуногун гирифта, ба назди гурба гузоред. Гурбае, ки худашро ҳурмат менамояд, албатта твороги босифатро истеъмол хоҳад кард.

Барои ҳамин ҳам истеъмолкунандагони мўҳтарам, ҳангоми харидорӣ кўшиш намоед, ки ба доми фиреб наафтед. Ба Шумо харидҳои бобарор орзу мекунем!

Нет комментариев

Также рекомендуем