Стартапи нидерландии Innovation In Motion дастгоҳеро намоиш дод, ки барои дар шакли автоматикӣ кушода ва пӯшида шудани парда пешбинӣ гардидааст. Барои маблағгузорӣ намудани истеҳсоли ин дастгоҳ коркардчиён иқдоми краудфандингии худро дар Kickstarter бароварданд.
Пардаҳои доно аллакай чанд муддат инҷониб дар бозорҳо ба назар мерасанд ва дар молу ашёи интернет ҷойи худро ишғол кардаанд, вале дар бисёрии ҳолатҳо ин пешниҳоди тайёр мебошад, ки пардаҳоро аз рӯйи принсипи «чӣ хеле ҳаст» ҳаридорӣ менамоянд. Яъне дар ин намуди пардаҳои доно ноқилҳо дар карниз насб карда шудаанд ва харидор чун қойда аз якчанд пешниҳоди тайёр, ки бо дарозии карниз ва ранги парда фарқ мекунанд, барои худ интихоб карда метавонад. Офарандагони Slide қайд мекунанд, ки ин нахустин дастгоҳи истеҳсолшавандае мебошад, ки барои насб намудан ба пардаҳои аллакай тайёри мавҷудбуда пешбинӣ гардидааст ва бо якчанд пардаҳои анъанавии ҳаракаткунанда дар карнизҳои горизонталӣ кор карда метавонад.
Ба сифати яке аз намуна коркардчиён истифода бурдани Slide-ро якҷоя бо фитнес-трекер пешниҳод менамоянд, ки он аз пайи давраи хобравӣ назорат мебарад. Агар трекер фаҳмад, ки истифодабаранда бедор шуда истодааст, пас Slide пардаҳоро мекушояд, то ки ба хона равшанӣ бештар дарояд. Ба ғайр аз ин барномаи ба шакли автоматикии кушода ва пӯшидани пардаҳоро аз рӯйи ҷадвал боз барои тарсонидани дузду роҳзанҳо низ истифода бурдан мумкин аст, мегӯянд коркардчиёни дастгоҳ. Яъне дар ин вақт барои тарсонидани дузд пардаи доно чунин вонамуд месозад, ки дар хона одам ҳаст.
Барои ба даст овардани Slide иштирокчии иқдоми краудфандингӣ шудан ва аз 69 евро боло маблағ сарф карданлозим меояд. Дастраскунии дастгоҳҳои тайёр дар моҳи июни соли 2017-ум ба нақша гирифта шудааст.
Дар интернет молу маҳсулоти муосир (IoT) дастгоҳҳои нисбатан мухталиф вомехӯранд: робот-дворецкий Vyo, ки тавассути ҳайкалчаҳо, хонаи доноро идора мекунад, камераи назоратии FLIR FX, ки аз сабтҳо сабти кӯтоҳи мухтасар тайёр карда метавонад, робопалец Microbot Push, ки дилхоҳ таҷҳизоти муқаррарии тугмачадорро ба дастгоҳи доно табдил дода метавонад.
Нет комментариев